《考有Feel》陳嘉倩出盡嗲功茅招 網民頂唔順鬧爆

前無綫新聞主播「嘉倩BB」陳嘉倩，憑甜美樣貌被封為宅男女神。前排佢參與ViuTV節目《學神出沒注意》, 佢嘅揸車技術搞到險象頻生，已經引起好大迴響。近日佢又參與ViuTV遊戲節目《考有Feel》，更引嚟網民一度大鬧。

節目中嘉倩BB加入ERROR隊對決MIRROR，其中一個遊戲「跣上任務」時，參賽者需要係濕滑嘅充氣池中鬥搶水泡，嘉倩BB喺賽前已經不停用「嗲功」想令MIRROR隊讓賽，嘉倩BB大嗌「怕痛」、「Da咩」，一眾男隊員都幾乎俾佢「嗲功」攻陷，可惜對手Ian完全無反應。比賽中Ian同嘉倩BB保持身體距離，以免有太過親密嘅身體接觸，嘉倩立即乘虛而入攬緊水泡，後來主持小儀大叫Ian「出手拖行佢」、「拖住水泡佢會放手」，Ian先郁手搶水泡。

到玩另一個遊戲《風狂大決鬥》時，嘉倩BB嘅行為更激嬲網民！參賽者要喺強風下舖好床褥、著好整睡衣先算完成任務。點知嘉倩BB將MIRROR隊嘅褲著喺自己身上，搞到對方要強行從佢身上搶返睡褲。網民睇完節目後都鬧爆嘉倩BB，例如「迫人去除佢條褲」、「佢着上身都係要人除姐」、「好煩好姣」、「嘉倩姣到」、「真面目出哂嚟」、「有"女神"包袱嘅女嘉賓係敗筆，差d想飛咗呢集」、「kasin真係好難頂」及「當正自己真係女神」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！