《聲夢傳奇》又有戀情?文凱婷孫漢霖傳撻著

·2 分鐘文章
文凱婷(Aeren)& 孫漢霖(火雞)
文凱婷(Aeren)& 孫漢霖(火雞)

近排無綫《聲夢傳奇》有唔少網民討論,首先係炎明熹(Gigi)和姚焯菲(Chantel)分別演唱《沒有你還是愛你》和《戀愛預告》人氣急升,瘋狂吸粉。前排傳出冼靖峰(Archie)和詹天文(Windy)拍拖,佢哋除咗俾人爆出喺餐廳撐枱腳之外,仲喺IG開Live疑似「放閃」及被導師泳兒嘅IG相片間接「出賣」。近日又爆出文凱婷(Aeren)和孫漢霖(火雞)撻著,而且兩人關係已被隊友認定,仲會攞佢哋嚟講笑。

 「主理人」李克勤同《聲夢》參賽者開LIVE時踢爆Aeren跟火雞撻著,克勤問14歲嘅Chantel同Yumi係咪有參賽者愛情萌芽中:「唔好搞呢啲住,讀書同唱歌就算,Aeren可以,年紀大啲可以;性感啲歌你可以唱,拖可以拍,冇所謂嘅!」所以人即時拍掌和議,而兩位當事人勁尷尬。克勤又問有無人面紅,鏡頭即時影住Aeren和火雞,並配上「疑似戀愛中」字幕。幫隊友拉票時,火雞幫身邊嘅Archie拉票,但克勤竟然問佢Aeren有咩優點,Aeren即刻叫停:「Stop喇,係假㗎!」 早前係See See TVB YouTube頻道上都發現到啲蛛絲馬跡,參賽者玩「解答之神」時,Rock(何晉樂)叫Aeren問「你將來嘅伴侶會唔會係火雞呢?」,之後又爆自己有張Aeren和火雞嘅床上照,Aeren即刻解釋當時有好多人在場。火雞又問自己同Aeren有冇可能,十似足向Aeren表白。

影片截圖
影片截圖
影片截圖
影片截圖
文凱婷(Aeren)
文凱婷(Aeren)
文凱婷(Aeren)
文凱婷(Aeren)
孫漢霖(火雞)
孫漢霖(火雞)
孫漢霖(火雞)
孫漢霖(火雞)
《聲夢傳奇》參賽者 & 導師
《聲夢傳奇》參賽者 & 導師

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能