《聲夢傳奇》外圍賽!林智樂激似陳肇始 炎明熹變野口

《聲夢傳奇》外圍賽!林智樂激似陳肇始 炎明熹變野口
《聲夢傳奇》外圍賽!林智樂激似陳肇始 炎明熹變野口

無綫歌唱比賽《聲夢傳奇》令一班參賽者人氣急升,成為網民最鍾意嘅討論話題,好似林智樂(Felix),佢對單眼皮加埋副眼鏡個look,硬係好似一個人,左諗右諗,終於醒起,原來Felix仔好似食物及衞生局局長陳肇始喎,雖然一個係17歲嘅後生仔,一個係63歲嘅女高官,又唔同姓氏,應該冇三分親,但唔知點解又真係好似有「血緣」咁似樣!

林智樂(左)同陳肇始似足母子!
林智樂(左)同陳肇始似足母子!
唔知佢自己覺得似唔似呢?
唔知佢自己覺得似唔似呢?

至於另一位參賽者,同15歲詹天文(Windy)傳緋聞嘅23歲冼靖峰(Archie)咁,畀人話佢同韓星朴寶劍撞面撞到嘭嘭聲,睇番Archie啲相,除咗髮型,同埋佢塊面比朴寶劍方啲外,啲眼、耳、口、鼻,真係好似倒模出嚟一面喎,不過佢當然冇「朴男神」咁靚仔啦!

冼靖峰(左)似男神朴寶劍!
冼靖峰(左)似男神朴寶劍!
咁朴寶劍就應該靚仔啲嘅!
咁朴寶劍就應該靚仔啲嘅!

講完兩個男仔,就到女學員啦,有網民話16歲嘅大熱冠軍人選炎明熹(GiGi)唱歌似「宇宙漿」G.E.M.,但佢木無表情時個樣竟然同動畫《櫻桃小丸子》中嘅野口同學撞晒,話佢哋個髮型同鼻形近乎一模一樣,提議如果再開拍《櫻》真人版,不妨考慮畀個機會GiGi試吓鏡!

炎明熹(左)成個野口咁!
炎明熹(左)成個野口咁!
可以拍《櫻桃小丸子》真人版喎!
可以拍《櫻桃小丸子》真人版喎!