《萬千星輝頒獎典禮2021》周日舉行 重溫陳自瑤疑似黑面/馬國明天然呆好經典

·2 分鐘文章
《萬千星輝頒獎典禮》經典時刻
《萬千星輝頒獎典禮》經典時刻

TVB年度盛事《萬千星輝頒獎典禮2021》將於2022年1月2日舉行,日前各大獎項最後五強名單終於出爐,唔知大家嘅心水人選入唔入到最後五強呢?喺今屆視帝視后未誕生之前,不如同大家回顧一下近年《萬千星輝頒獎典禮》嘅經典事件啦!

陳自瑤疑似黑面
《萬千星輝頒獎典禮2020》喺今年初圓滿結束,王浩信憑《踩過界II》成為雙料視帝,講得獎感言時罕有多謝太太陳自瑤(Yoyo),但Yoyo喺鏡頭面前疑似「黑面」及冇作出任何回應,事後引起網民瘋狂討論。

《萬千星輝頒獎典禮2020》截圖
《萬千星輝頒獎典禮2020》截圖

馬國明天然呆
喺《萬千星輝頒獎典禮2012》馬國明憑劇集《On Call 36小時》成為視帝大熱人選,不過最終就由黎耀祥奪得。之後一班藝人走去同黎耀祥祝賀,而馬國明就露出天然呆表情,相當搞笑。

《萬千星輝頒獎典禮2012》截圖
《萬千星輝頒獎典禮2012》截圖

蕭正楠宣佈結婚
蕭正楠及曹永廉憑節目《兄弟大茶飯》奪得《萬千星輝頒獎典禮2018》「最受歡迎電視拍檔」獎項,蕭正楠講得獎感受時,除咗多謝公司之外,佢仲宣佈結婚喜訊:「我好想趁呢個機會,多謝我太太黃翠如」,最後佢哋深情一吻後擁抱。

《萬千星輝頒獎典禮2018》截圖
《萬千星輝頒獎典禮2018》截圖

家燕姐登基
一眾無綫藝人都會悉心打扮出席《萬千星輝頒獎典禮》,當中以薛家燕喺《萬千星輝頒獎典禮2015》嘅黃袍「登基」造型最深入民心。當時王祖藍讀出網民嘅留言,就話網民問佢「今日係唔係登基,點解要著黃袍?」全場藝員即時爆笑。一向玩得嘅家燕姐就回答話:「今日著呢件黃袍係有原因嘅,我今日係做皇太后,嚟到唔使做嘢嘅,係觀禮嘅啫,包括唔使頒獎同攞獎。」

《萬千星輝頒獎典禮2015》截圖
《萬千星輝頒獎典禮2015》截圖

藝員集體吃炸雞
《萬千星輝頒獎典禮2015》喺頒獎中途,安排藝人即場集體食炸雞環節,整個過程大約1分半鐘。事後被批評係植入式廣告,通訊事務管理局指無線嚴重違反守則,判罰款15萬元。

《萬千星輝頒獎典禮2015》截圖
《萬千星輝頒獎典禮2015》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能