《萬千星輝頒獎典禮2021》紅地氈女星衣著逐個睇
《萬千星輝頒獎典禮2021》噚晚(2日)喺將軍澳電視城隆重舉行,大家除咗關心獎項花落誰家之外,最想睇嘅一定係女藝人嘅衣着打扮啦!以下幾位女星衣著,你哋最鍾意邊位嘅打扮呢?
李佳芯
「氣質女神」李佳芯(Ali)極少出現時裝車禍,不過今次以彩雀look現身,睇到人眼花繚亂。
陳自瑤
陳自瑤(Yoyo)以黑色閃閃低胸吊帶晚裝示人,美麗大方,性感又不失氣質!
陳瀅
奪得「最佳衣著女藝人」嘅陳瀅,噚晚以黑色露肩高叉裙示人,雖然睇落有少少大隻,不過上上下下都好性感。
王敏奕
王敏奕以金色吊帶低胸晚裝現身,性感得嚟又不失貴氣。
林夏薇
出爐視后林夏薇以藍色閃令令露背長裙出現,中門大開,成功搶fo。
鍾嘉欣
一向甚少性感打扮嘅鍾嘉欣,今次竟然以透視低胸襯西裝,若隱若現,非常性感。
姚子羚
姚子羚以黑色露肩晚裝上陣,十分高貴。
馮盈盈
馮盈盈以往都有唔少性感出位造型,今次改以中性紅色西裝現身,睇頭欠奉。
何依婷
何依婷以白色低胸晚裝出現,型格得嚟又不失性感。
姜麗文
擁有健康膚色嘅姜麗文,以綠色露肩毛毛配白色長裙示人,結果被網民指走唔出菲傭姐姐Lisa呢個角色。
游嘉欣
上位小花游嘉欣盛裝上陣,一如以往散發仙氣。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!