《識貨》藝員搵圈中好友爆買貨惹反感 網民:明屈嘅 有咩好睇

《識貨》截圖
《識貨》截圖

TVB真人競技綜藝騷《識貨》以直播帶貨為主題,由鄭裕玲(Do姐)、鄭衍峰及孔德賢擔任主持,並搵嚟小寶(細細粒)、黎諾懿、黃建東、陳自瑤(Yoyo)、何遠東、路芙、黃頌明及蔡國威直播帶貨。喺前晚嗰集,8位「見習主播」接受「cold call朋友賣貨」嘅挑戰,佢哋需要喺限定時間內挑選貨物,然後打電話俾朋友推銷該產品,銷售額最高嗰位就能夠勝出。藝員們都大打友情牌去賣嘢,不過一班網民們睇完都話似「老屈」朋友同家人買嘢多啲。

節目組安排小寶打頭陣,佢選擇推銷罐裝開心果,先後打電話畀李亞男及只係認識咗幾日嘅周嘉洛,結果成功令佢哋每人買100罐。之後嘅藝員都係選擇打電話俾圈中好友,不過黎諾懿同「小明」黃頌明就仲好搞笑咁打電話俾另一半,務求令自己嘅銷售額再提高。黎諾懿選擇推銷面膜,喺打完俾張秀文、李佳芯及戴祖儀後,佢竟然「出大絕」打電話俾老婆,仲話「老婆我愛你,計你買100盒」。而最尾出場嘅小明就仲聰明,除咗打電話俾鄧智堅和泰臣之外,佢仲打電話俾對手小寶同埋老公,結果二人分別買下800及1000包濕紙巾,令小明輕鬆成為第一名。

當晚節目完結後,唔少網民都睇到好反感,仲話打畀唔識嘅人先係cold call及認為係屈朋友買嘢,紛紛留言話:「明屈嘅,有咩好睇」、「自己貼錢根本玩哂 成個節目鬥身家厚 or 朋友 疊水」、「呢d叫warm call 5系cold call 5知對方乜水先叫cold call」、「個節目有咩好睇。。個個急口令叫fd,家人買嘢。」、「好老屈囉!」、「好嘈,完全唔知做緊乜」及「一來唔知係咪真係要找數, 二來唔少都只係打友情牌都唔係SELL件野」等等。

《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖
《識貨》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!