《造星3》Odi陳善渝被指倒戈 參加《盛・舞者》惹網民反感:點解仲用viutv個名去拍tvb節目

·3 分鐘文章
Odi陳善渝(原名:陳康琪)
Odi陳善渝(原名:陳康琪)

無綫舞蹈比賽真人騷《盛・舞者》正在熱播中,參賽者當中不乏熟悉嘅面孔,包括參加過ViuTV《全民造星III》嘅Bingo成員Odi陳善渝(原名陳康琪),Odi喺參加《造星3》表現平平,網民對佢嘅評價亦係負評一籮籮。Odi喺改名後,與隊友卡文(關嘉敏)齊齊轉戰《盛・舞者》,不過網民對佢嘅反應暫時都係麻麻。

現年30歲嘅陳善渝(Odilia)擁有一雙煞食嘅42吋長腿,擅長跳舞和彈鋼琴,入行前做過舞蹈員,更曾經為譚詠麟、徐小鳳及鄭伊健等歌手伴舞。之後喺2016年以女子組合Bingo成員身份出道,不過星途平平,只係出過幾首單曲。除咗歌唱事業之外,Odi都有唔少其他幕前工作,例如ViuTV節目《啪啪Partner》客席主持、《對不起標籤你II》、《全民造星III》、《鬼同妳上位》、客串無綫劇集《 法證先鋒IV》、《逆天奇案》及電影《家有囍事2020》等等,雖然佢憑《啪啪Partner》大講性愛話題,成功獲得網民關注,可惜佢喺《造星3》表演未如理想及態度傲慢,令佢成為犯眾憎遭網民狙擊,更有網民創立「反odi大聯盟」。

今次Odi參加《盛・舞者》嘅態度謙卑,喺介紹自己時就話:「今次參加比賽係希望改善自己嘅不足之餘,繼續向上進一步。」Odi成為最後一位被麥秋成選中嘅隊員,與卡文齊齊加入「TX Crew」。節目上星期五過集尾段講到「TX Crew」喺Crew Battle中戰敗,3位評判一致判王君馨帶領嘅「Hot Flavaz」獲勝,所以麥秋成需要喺隊中淘汰一位隊員。雖然有唔少網民讚Odi跳得好好,留言話:「睇好你入決賽」、「跳得好好呀,支持你」及「個節目好正,俾到機會舞者上大眾舞台,第一次認識你,加油呀!身邊有幾個大學同學都因為黎個節目識你」等等,不過仍然有唔少網民對佢反感,指佢倒戈相向但IG Bio仲留住參加過嘅ViuTV節目,留言話「你入tvb唔該你del 哂viu tv啲節目名先喇 好L肉酸呀你 呢個時勢都仲去CCTVB」、「目標只有一個:唔敢放棄 ViuTv 節目知名度嚟入 CCTVB 搵食 ☺️」、「人地要用前viutv身份幫tvb吸引大家關注」及「點解仲用viutv 個名去拍tvb節目」等等。

Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)
Odi陳善渝(原名:陳康琪)

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能