《造星4》最靚人妻Ash爆已離婚 出post承認︰分開係想對方成為更好的人

·3 分鐘文章

《全民造星4》參加者之一Ash(鍾卓穎)因為歌唱表現出色而被視為「天籟之聲」,即使早早出局,但已經吸納唔少fans。23歲嘅Ash參賽時被爆已婚,佢亦好快喺IG承認,不過唔夠2個月就傳出Ash同台灣老公已經離婚!

《造星4》Ash爆已離婚 出post剖白︰分開係想對方成為更好的人
《造星4》Ash爆已離婚 出post剖白︰分開係想對方成為更好的人

自稱「龍龍」的Ash前夫早幾日喺IG出post寫道「一起在香港結婚生活,最後一起在香港簽字離婚。我會記得你帶給我的一切美好,當我成為更好的人,我一定會重新追求你。我到現在的想法還是沒有變過,我只想給這個女孩幸福,現在的我做不到,未來的我肯定可以。我會不斷精進,成長成可以照顧你保護你的男人。不管要花多少時間,我都會一直不斷進步,你的好你的真就是值得我這麼做,未來我有任何的成就都要謝謝你,讓我認知到自己的不足。我愛你,始終如一」。除此之外仲貼出多張過去二人生活照,似乎十分不捨。

《造星4》Ash爆已離婚 出post剖白︰分開係想對方成為更好的人
《造星4》Ash爆已離婚 出post剖白︰分開係想對方成為更好的人
《造星4》Ash爆已離婚 出post剖白︰分開係想對方成為更好的人
《造星4》Ash爆已離婚 出post剖白︰分開係想對方成為更好的人

根據「龍龍」的帖文,來自台灣嘅佢搬到香港同Ash生活,但係二人依然離婚收場,「龍龍」亦會返會台灣生活。至於Ash亦喺今朝喺IG STORY承認分開。內文寫道「感情係兩個人之間嘅事情,我哋由朋友關係認識到今日,而無可奈何地要結束呢段關係,過程有開心有眼淚付出同回憶。我哋和平達成共識,分開係由衷地想對方往後成為更好的人,亦祝福對方可以過得順心順利,由於呢個決定係不久之前作出,一直有家人同摯友陪伴都想低調處理,因為彼此不多不少,都承受咗一定心理壓力,希望大家畀啲空間我哋去消化處理。」

《造星4》Ash爆已離婚 出post剖白︰分開係想對方成為更好的人
《造星4》Ash爆已離婚 出post剖白︰分開係想對方成為更好的人

Ash參賽時喺第一round要靠復活名額保送入60強,但之後仍然未能晉級40強,引起網民非議。不過Ash已經贏盡人氣,現時IG有超過10萬人追蹤。當日傳出已婚之後,Ash出post間接承認已婚,但係想好好保護另一半,並且話老公「第一個舉腳贊成」支持佢參加《造星4》,仲話「搵到一個同你冇血緣關係但永遠無條件支持你嘅人,見到有人鍾意我比我自己更開心嘅人,我只知道我應該要做嘅就係珍惜,因為人生可以好短暫。所以不論係另一半定係呢一個比賽,選擇左我就唔會後悔。 」

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能