《造美人》八強誕生 網上瘋傳冠軍名單 網民最愛Ann與Ice大敗？

上星期六真人騷《造美人》8強正式誕生，分別為Kathy（張育玲）、AB（劉兆汶）、Miko（歐陽玉婷）、Ann（陳芊妤）、Shweta（林珊妮）、Semi（黎韋彤）、Ice（嚴楚翹）及Stella（楊芷羚），而Jonie（曾祖妮）及Tracy（周卓盈）慘遭淘汰。喺射擊項目與Tracy同組嘅Shweta就即時爆喊，認為自己表現好啲，Tracy就有機會唔洗被淘汰；8強決賽將會喺7月3日播出，選出冠軍人馬，不過由於節目早已錄影完畢，網上出現唔少爆料資訊爆出決賽排名。

網上爆料指，造美人冠軍為一直表現唔係特別出眾嘅Stella，而被網民指佢乞人憎兼封做「黑面Semi」嘅Semi就得到第5名。其實Semi一直以嚟嘅表現都遭網民劣評對待，先係經常黑面，喺之前學化妝環節中，佢就直指OK姐化妝技巧太差；近日同男嘉賓Brian嘅30分鐘約會環節，Semi極其進取嘅表現就遭網民鬧爆。

Kathy亦係另一位經常被網民大插嘅參賽者，一直以嚟都畀網民認為最應被踢出局，先係外觀上改變唔大，最致命一擊就係成日以為自己好靚女，喺多個環節中將公主格暴露晒出嚟，不過近日又有唔少網民認為Kathy好貼地，對佢改觀；而最得網民喜愛嘅就係Ann與Ice，最後得到咩排名呢？到底結果準唔準確就要拭目以待啦！

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！