《金宵大廈2》劇照曝光 繼續營造懸疑緊張氣氛叫人期待

《金宵大廈2》劇照
《金宵大廈2》劇照

無綫劇集《金宵大廈》喺2019年播出時叫好又叫座,被譽為「年度最佳神劇」,之後無綫隨即宣布原班人馬添食開續集。《金宵大廈2》係無綫與內地優酷聯合拍,日前內地影視網站嘅微博專頁更率先流出部分劇照,淨係睇劇照已經可以睇到劇集繼續營造懸疑、詭異同緊張嘅氣氛,相信唔少觀眾都會好期待㗎喇!

今次《金宵大廈2》除咗繼續有陳山聰及李施嬅主演之外,仲有張彥博、伍詠薇、趙希洛、湯洛雯、胡鴻鈞、蘇皓兒、伍樂怡、連詩雅、林子善、黃子雄及鄭子誠等人參演,而編審及監製依然係羅佩清和葉鎮輝。 《金宵大廈2》共有十個單元,分別係《對倒》、《雙魚》、《姐姐》、《七樓半》、《城寨英雄GO!》、《嫁衣》、《原點》、《訪客》、《吃播》及《OPPA》。

較早前,編審羅佩清喺接受傳媒訪問時,佢就話今次陳山聰及李施嬅會以全新角色出現,因為佢哋之前嘅角色已經好難發展落去。續集大玩「平行時空」,即係關於另一個時空內嘅金宵大廈,劇情主要講述小資女Ella(李施嬅飾)同咖啡師男友Maurice(陳山聰飾)係一對不被看好嘅情侶。有一日,Maurice喺金宵大廈離奇失蹤咗,佢喺被搵返之後除咗失去記憶之外,仲由情聖變成暖男。於是Ella深入怪事不斷嘅金宵大廈,解開Maurice失蹤之謎。佢哋比之前愛得更轟烈,並相信係命中注定嘅一對,但原來Ella鍾意嘅唔係真正嘅Maurice,而係金宵大廈入面嘅另一佢。

喺劇照曝光後,唔少網民都議論紛紛,仲留言話好期待同埋好想快啲有得睇。

《金宵大廈2》海報
《金宵大廈2》海報
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!