《金宵大廈2》尺度太大原版內地網冇得睇 全裸陳山聰被打格仔慘變肉色物體

《金宵大廈2》劇照
《金宵大廈2》劇照

奇幻劇集《金宵大廈》喺2019年播出時贏盡口碑和收視,被網民捧為「神劇」。原班人馬加上一班新演員參演嘅《金宵大廈2》係《金宵大廈》嘅延續篇,主角李施嬅及陳山聰一人分飾三角,再度上演一場活喺平行時空下嘅戀愛。今次劇集與內地平台優酷合作,唔少網民認為劇集除咗比上一輯更恐怖、詭異和緊張之外,製作亦較認真和細膩。有指《金宵大廈2》為咗遷就內地檔期,所以播映時間一改再改。去到今個星期一(4日),劇集終於喺TVB首播,不過內地網民發現Youku就淨係得預告同製作花絮,令唔少內地網民失望。

《金宵大廈2》喺TVB已經播咗幾日,不過內地網民發現Youku只係得預告同製作花絮,內地網民紛紛留言表達失望和不滿,甚至有人話自己為咗睇《金宵大廈2》而加入Youku做付費會員,但可惜都係睇唔到。之後,有內地網民發現TVB內地專屬平台「埋堆堆」有得睇,但都係要付費成為會員先有得睇,不過有會員懷疑佢哋所收看其版本係經過修剪,同埋有畫面經過打格處理,好似全裸嘅陳山聰突然喺天台出現嗰一幕,內地網民只係睇到一個被打格仔嘅肉色物體。

近年中國廣電總局對節目加強限制,而家範圍非常廣泛,由愛情劇去到穿越劇都有所限制,有指《金宵大廈2》涉及穿越、靈異及迷信,觸及內地播放嘅底線。雖然《金宵大廈2》喺埋堆對播出,不過Youku就未能播出,有指TVB有機會收唔到合拍嘅費用。

《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
《金宵大廈2》劇照
TVB版本
TVB版本
內地播出版本
內地播出版本
埋堆堆微博圖片
埋堆堆微博圖片

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!