《金宵大廈2》突圍而出接力《飛虎3》出街 陳展鵬新劇推遲5月播

近期全民抗疫之下,市民多咗留喺屋企,造就電視台收視上升。TVB近期播外購劇《家族榮耀》收視理想,估計有望成為年度三甲之作。TVB黃金時間劇集排陣早前傳過多個版本,最新消息係陳山聰同李施嬅主演嘅《金宵大廈》延續篇將會喺4月緊接《飛虎3飛虎英雄》出街。

《金宵大廈》收視同口碑都好,亦令陳山聰再次彈起,TVB好快就開機拍續集《金宵大廈2》,甚至有傳去年台慶劇有佢份,但係據聞因為未獲內地有關方面接受,因此一直未見有播放期。有報導指《金宵大廈1968》監製回應傳媒,劇集「暫時應該係」喺4月4日9點半出街。

《金宵大廈2》一早拍好
《金宵大廈2》一早拍好
預告片都出埋,終於出街有期
預告片都出埋,終於出街有期

《金宵大廈2》承接上輯嘅奇幻風格,以十個單元貫穿全劇,而陳山聰同李施嬅會飾演情侶。劇情起點以陳山聰喺金宵大廈失蹤後被尋回後性格大變而展開,李施嬅為了解開謎團,決定闖入大廈,但遇上各種怪事。

《凶宅清潔師》
《凶宅清潔師》

近期9點半檔期嘅劇集排陣傳過多個版本,先有傳播放洪永城同傅嘉莉主演、由J2創意總監C君聯同ViuTV劇《大叔的愛》嘅監製兼編審盧思麟合組公司開拍嘅《凶宅清潔師》。跟住再傳出改由陳展鵬主演嘅《黯夜守護者》上陣。結果最新消息《黯》會調到5月先出街。

ViuTV即將接連播自家劇《反起跑線聯盟》同《冥冥之中》,TVB當然不容有失,《金宵大廈2》有上集擁躉支持;而去年煎pang嘅《逆天奇案》成為年度收視之冠,《黯》同樣係呢位新一代「收視福將」主演嘅同類型警匪劇,明顯係TVB搶收視策略。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!