《陀槍師姐2021》張彥博入行16年 全力衝刺事業盼43歲前成家立室

·3 分鐘文章
張彥博
張彥博

無綫劇集《陀槍師姐2021》正在熱播中,劇集主要圍繞由檬Sir(陳豪飾)所帶領嘅懸案小組,而組員分別有Diana(宣萱飾)、蕎頭(林穎彤飾)、GD(黃建東飾)、夠鐘Sir(趙永洪飾)及麻鬼凡(張彥博飾)。張彥博(Bob)飾演嘅「麻鬼凡」馬啟凡係一個勤力又認真嘅警察,與林穎彤飾演嘅蕎頭有感情線。張彥博個樣生得非常童顏,所以完全睇唔出佢已經40歲。唔經唔覺張彥博已經入行16年,雖然佢係近年無綫彈起嘅男配角之一,但其實喺背後都有一段沉重嘅過去。

《陀槍師姐2021》劇照
《陀槍師姐2021》劇照

大家除咗留意佢嘅演技及童顏之外,唔知大家仲記唔記得佢係一個音樂人? 張彥博於2005年同隊員伍德耀及馮嘉輝組成赤子樂隊,可惜多年來半紅不黑,所以2009年解散。樂隊解散後,佢試過喺餐廳工作及教樂器維生,但佢都冇放棄音樂,佢又以個人身份參加多個內地音樂節目,包括《聲動亞洲》及《快樂男星》,希望可以用音樂感染其他人,可惜都未有任何進展。喺2014年,佢加入無綫藝員訓練班,呢幾年佢做咗好多大大小小嘅閒角,例如《老表,你好hea!》、《東坡家事》及《EU超時任務》等等。直到16年佢憑《一屋老友記》中飾演廢青細寶而為人熟識,其後再憑《跳躍生命線》嘅雄姐及《金宵大廈》嘅林哥仔人氣急升,網民一致認為佢嘅演技大有進步。熱愛音樂嘅佢,2018年更自資6位數字製作新唱片,唱片中嘅歌係自赤子解散後嘅創作,而自己就上陣兼任彈奏、編曲同監製。

張彥博出身自破碎家庭,自小父母離異,雖然佢跟媽媽長大,但仍同生父關係保持良好,後來父母再婚,佢都當繼父好似親生父咁好。後來繼父中風,佢買咗架價值70萬嘅跑車方便接送繼父去覆診,亦搬返去同兩老住,方便照顧佢哋,真係好孝順呀!

至於感情方面,佢曾經俾拍拖四年嘅女友「嫌窮」狠撇,原因係佢試過窮到銀行戶口長期連100蚊都冇,冇辦法俾將來女朋友,所以導致分手。另外,佢亦與裕美喺2005年拍過拖,2011年仲影埋婚照。正當大家以為佢哋好事近嘅時候,點知就有報道指裕美另結新歡,而婚事就此告吹。不過佢仍然對感情充滿憧憬,而家全力衝刺事業,希望可以喺43歲前成家立室。

《陀槍師姐2021》劇照
《陀槍師姐2021》劇照
《踩過界II》劇照
《踩過界II》劇照
《金宵大廈》劇照
《金宵大廈》劇照
《跳躍生命線》劇照
《跳躍生命線》劇照
《一屋老友記》劇照
《一屋老友記》劇照
張彥博
張彥博
張彥博
張彥博
張彥博
張彥博
張彥博
張彥博
張彥博
張彥博
張彥博
張彥博

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!