《雙生陌生人》|劇情輕鬆搞笑 馬德鐘被指好趕客? 網民:貴庚?仲扮後生

《雙生陌生人》截圖
《雙生陌生人》截圖

由「馬神」馬德鐘主演嘅無綫新劇《雙生陌生人》喺星期一(2日)首播,劇情主要講述一個「人有相似」嘅網站,令兩個好似樣但冇血緣關係嘅人聯繫上,一個係知名律師高收成,另一個就係失業IT仔巫祺男。雖然佢哋擁有各自嘅生活,不過喺十多年前開始喺某些關鍵嘅時刻就會相遇,而且仲會影響著對方的人生軌跡。劇集已經播出咗幾集,想知網民們睇完有咩感受,快啲轆落去睇下啦!

劇情輕鬆 好睇過《金宵大廈2》
《雙生陌生人》設定絕對唔係新鮮,大玩人有相似兼交換身份,不過劇情夠晒輕鬆及搞笑,所以唔少網民都認為好睇過燒腦嘅《金宵大廈2》,紛紛留言話:「套劇劇情有趣和喜感,睇落唔錯」、「幾好睇,唔洗燒腦.」、「好睇過金宵喎!」、「幾好睇, 好笑得黎有內容.」、「內容幾得意」、「金宵2黑沉沉又燒腦 偶爾睇返d輕鬆公式化tbb劇唔錯」、「啱啱mytv睇返,輕輕鬆鬆唔錯,又多靚女睇,會繼續追」「睇落有啲位幾好笑!」及「估唔到劇情突然咁大反差,咁搞笑」等等。

馬德鐘好趕客?
喺劇中,「馬神」一人分飾兩角,分別飾演知名律師高收成及失業IT仔巫祺男,期間二人更會掉轉身份,非常考演技。雖然有網民指馬德鐘分飾兩角迎刃有餘,不過唔少網民就認為馬德鐘年紀大及好趕客,留言話「馬德鐘貴庚?仲扮後生」、「太大年紀,同湯似兩父女」、「套劇討論度好低,全因男主角太膠太趕客。」、「膠樣好趕客」、「見到馬德鐘個樣好反胃,可唔可以搵個自然啲嘅做?」、「可唔可以搵後生啲既男一」、「成五拾幾歲大男人做喜劇,真係有D看不慣」、「馬德鐘眼眉,駛唔駛畫咁粗咁深色,怪怪地。」及「馬德鐘轉做王浩信,用返反黑路人甲班底開二好過啦,橫掂主要配角都係曬度」等等。

多靚仔靚女助陣
劇集搵嚟唔少靚仔靚女演出,例如賴慰玲、蔣家旻、湯洛雯、郭柏妍、黃庭鋒及羅毓儀等等,網民們都將重點放喺佢哋身上,留言大讚佢哋好正,例如「賴慰玲眼鏡look會唔會太正」、「為咗賴慰玲睇」、「郭柏妍勁靚女呀」、「蔣家旻好正 快啲做女一啦」、「靚湯好正」、「庭鋒好靚仔」、「呢套路小小個look太正」、「郭柏妍幾靚女」、「賴慰玲一貫搶鏡 靚湯呢套雖然仲係肥但幾靚」及「賴慰玲真係越黎越靚」等等。

《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖
《雙生陌生人》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能