《魷魚遊戲》反派101號張德秀人氣急升!許成泰為當演員棄厚職

《魷魚遊戲》101號參賽者張德秀
《魷魚遊戲》101號參賽者張德秀

由李政宰、朴海秀、魏河俊等主演嘅Netflix原創韓劇《魷魚遊戲》掀起全球追劇熱潮,橫掃多個國家及地區嘅點播榜冠軍。劇集除咗帶挈三位主角爆紅之外,一眾演員嘅知名度亦都大大提升,當中包括飾演101號參賽者張德秀嘅許成泰。佢喺劇中飾演反派101號張德秀,係一個自私自利嘅黑社會大佬,為咗闖關成功不擇手段,完全唔理會他人性命,可以話係由頭壞到落尾,令觀眾睇到咬牙切齒!

現年43歲嘅許成泰,畢業於釜山大學俄語及俄羅斯文化系,大學畢業後於國際知名大企業工作,仲試過長駐俄羅斯,之後佢再到濟州島嘅知名造船廠任職。雖然佢當上文職工作,不過佢其實喺高中時因崔民秀喺《沙漏》中嘅演技而擁有一個演員夢,所以佢喺2011年毅然參加SBS演員選秀節目《奇迹的選拔賽》,最終佢放棄年薪逾7千萬韓圜(約47萬港幣)嘅工作,以34歲之齡踏入演藝圈拍戲。

被觀眾視為反派專業戶嘅許成泰,喺入行初期都係飾演閒角居多,直到2016年憑電影《密探》爆紅,之後喺《犯罪都市》及《南漢山城》等都有不俗表現,演技獲得觀眾肯定,最近更憑《魷魚遊戲》飾演反派張德秀爆紅,令人留下深刻印象。

Netflix原創韓劇《魷魚遊戲》
Netflix原創韓劇《魷魚遊戲》
《魷魚遊戲》101號參賽者張德秀
《魷魚遊戲》101號參賽者張德秀
《魷魚遊戲》
《魷魚遊戲》
《魷魚遊戲》
《魷魚遊戲》
許成泰
許成泰
許成泰
許成泰
許成泰
許成泰

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!