《魷魚遊戲》8大線索證001號伯伯與成奇勳父子關係？導演咁樣答…

Netflix原創韓劇《魷魚遊戲》成為熱話，結局懸念與當中人物關係引發討論，有網民就發現劇情暗藏唔少伏筆，當中就有網民話劇中有唔少細節位都透露出由吳永秀飾演嘅001號伯伯玩家「吳一男」與李政宰飾演嘅「成奇勳」有機會係兩父子。001號伯伯與成奇勳於劇中喺遊戲玩伴，互相carry對方，直至第四關彈珠遊戲，二人先真正發展成「唔係你死就我亡」嘅局面，不過網民就分享從001號伯伯與成奇勳互動中發現8大線索，證明001號伯伯喺成奇勳親生爸爸。

線索1：001號伯伯與成奇勳媽媽同一姓氏
001號伯伯姓氏係「吳」，而咁啱成奇勳喺第一集見到媽媽提款卡個名係「Oh Mal Soon（吳末順）」，網民就表示好少韓國人會同相同姓氏嘅人結婚，所以有機會係婚後跟夫姓，推測吳末順可能係001號伯伯太太。

線索2：知道成奇勳近況？
成奇勳曾向001號伯伯表示，伯伯唔應該參加比賽：「你應該要吃着媳婦做的熱騰騰的飯，躺在溫暖的炕上暖背，看着孫子耍寶才對」，001號伯伯卻反問對方：「那你父母有吃着媳婦做的熱騰騰的飯過生活嗎？」，網民指001號伯伯似乎一早知道成奇勳近況一樣。

線索3：提款卡密碼
成奇勳需要猜測媽媽嘅提款卡密碼，佢以自己生日「0426」嘗試，失敗後就輸入囡囡生日「0608」先成功；而後來001號伯伯曾表示自己個仔喺6月24日生日，與成奇勳生日日期相似，網民估係因為001號伯伯患有腫瘤而忘記囝囝真正生日日期。

線索4：成奇勳與001號伯伯兒子唔飲牛奶
成奇勳排隊領取補給品，向工作人員表示自己唔飲牛奶，指細個飲牛奶更會消化不良，001號伯伯亦提及自己囝囝都唔飲牛奶，仲同成奇勳講：「你小時候肯定很常被你爸爸打！」而成奇勳就表示：「你怎麼會知道？」001號伯伯似乎相當熟悉成奇勳嘅習慣。

線索5：中斷遊戲一票有可疑？
001號伯伯與成奇勳曾經喺家中附近便利店相遇，001號伯伯當時表示：「我有認識的人住附近，我現在沒地方去，所以暫時借住他那，看來我們很有緣！」，網民就認為001號伯伯喺遊戲中重遇成奇勳，所以投下中斷遊戲一票，令大家都可以返去見家人一面。

線索6：成長環境相約
玩第四關彈珠遊戲時，001號伯伯與成奇勳表示以前都係住喺類似嘅巷仔，又指屋企附近都有個「剛布」。網民指，001號伯伯係《魷魚遊戲》創辦人，所以極有可能按照佢哋以前居住嘅社區設計遊戲佈置。

線索7：彈珠成生日禮物？
001號伯伯喺彈珠遊戲中同成奇勳講出自己囝囝今個月生日，但嚿年無送過生日禮物畀個仔，希望可以喺今年送返畀佢，之後001號伯伯就將手上最後一顆彈珠畀咗成奇勳。

線索8：001號伯伯臨終前見成奇勳
001號伯伯臨終時竟然唔係叫自己太太同囝囝探望，反而係叫咗成奇勳去探佢；網民就懷疑會唔會成奇勳就係佢個仔，所以想見佢最後一面。

種種線索令網民認定001號伯伯與成奇勳就係兩父子，不過《魷魚遊戲》導演日前接受訪問就分享自己聽到網民解析時嘅反應係先笑出聲，並表示只係一單傳聞；指「成勳」與「一男」名字都係自己朋友嘅名字，而姓氏改成「吳」係因為與『魷魚遊戲』有象徵性，指出兩個開頭的韓文發音相同都是WU，而001號伯伯係遊戲創辦者，所以先安排佢係1號玩家。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！