《2021香港小姐競選決賽》8號宋宛穎奪冠軍 張學友壓軸演出搶風頭 網民:港姐變晒做路人

·5 分鐘文章
《2021香港小姐競選決賽》截圖
《2021香港小姐競選決賽》截圖

一年一度《2021香港小姐競選決賽》喺噚晚圓滿結束,12位入圍佳麗為求脫穎而出都喺台上努力表現自己,結果由8號宋宛穎成為冠軍,亞軍及季軍由15號梁凱晴及14號邵初奪得。睇完成個騷之後,網民們都有唔少意見,而家就同大家睇下啦!

香港小姐淪為配角
噚晚《2021香港小姐競選》表演嘉賓陣容亮眼,除咗有鄭欣宜、李幸倪(Gin Lee)、姚焯菲、炎明熹及其他《聲夢》學員之外,仲有歌神張學友壓軸演出。雖然一班佳麗先係主角,不過佢哋就被表演嘉賓搶晒風頭,淪為背景版。網民仲話港姐決賽錯咗重點,搞到變咗係一個演唱會,紛紛留言話:「個港姐SHOW 其實係咪OUT FOCUS哂 先黎聲夢 後黎欣宜 之後學友同GINLEE」、「全部變晒dancer 成晚個focus 都係D嘉賓 仲要唱d 20-30年前既歌」、「D港姐呢?睇表演多過佢地」、「搞到變左演唱會咁」、「港姐=女dancers」、「張學友唱歌時, d港姐變晒做路人.」、「成套野港姐好似係配角」及「睇聲夢同學友是常識 今屆d港姐一般」等等。

《2021香港小姐競選決賽》截圖
《2021香港小姐競選決賽》截圖

衣著造型炒晒車
噚晚佳麗們都以最弗狀態示人,佢哋以多個造型登場,例如女武神、泳裝、白色晚裝及旗袍,不過唔少造型都被網民劣評,紛紛留言評論,例如「全部都咁樣衰 造美人都冇咁柒」、「點呀啲衫…..」、「夜總會style」、「個頭飾好核突」、「點解要扮到古靈精怪」、「d 衫真係炒曬車」、「泳裝劃蛇添足,加對白色鞋,反顯得腳短,根本唔好睇。」及「港姐時裝設計得好恐怖」等等。

《2021香港小姐競選決賽》截圖
《2021香港小姐競選決賽》截圖

丁子朗/周嘉洛透視裝被彈
喺泳裝問答環節,司儀丁子朗及周嘉洛突然換上三角泳褲,外面再分別加上白色喱士和黑色魚網裝,唔少網民都對佢哋嘅打扮議論紛紛,仲笑佢哋著得核突同問係唔係向陳百祥致敬,例如「我覺得好核突,完全冇美感」、「想點丫!著到好似牛郎咁」、「向陳百祥致敬?」、「乜做主持唔係要着衫要斯文嘅咩 點解TVB要果兩後生仔主持着到不男不女 好核突好難睇」、「露底褲 真心唔識欣賞」、「不如問邊個冇咁核突啦,同好睇完全扯唔上關係」及「好彩無睇,唔係嘔到仆街!」等等。

《2021香港小姐競選決賽》截圖
《2021香港小姐競選決賽》截圖

CG發生咩嘢事?
今屆決賽以古文明同「天使之城」作為主題,除咗有金字塔舞台及佳麗們以女武神Look登場之外,仲特意加入CG效果,有一隻疑似鳳凰嘅物體由虛擬世界飛入舞台。唔少網民見到後都俾「鳳凰」嚇親,紛紛留言話:「隻CG雞想點」、「30年前嘅CG」、「隻雞又飛乜嘢」、「香港特技幾十年都冇進步過,人地韓國都叫追得上下」及「隻雀係咩料」等等。

《2021香港小姐競選決賽》截圖
《2021香港小姐競選決賽》截圖

關楓馨大熱倒灶
關禮傑大女關楓馨(Fabienne)由參賽開始已經備受關注,以大熱姿態晉身12強,更被網民視為三甲大熱人選,不過可惜大熱倒灶,與獎項無緣。唔少網民都留言戥佢唔抵,認為佢值得入三甲位置,例如「竟然冇4號關楓馨?我幾欣賞佢」、「有咩理由4號三甲不入,季軍又唔靚,最上鏡小姐簡直差到不得了,評判盲眼來選」、「好失望4號拿不到獎」、「關小姐應該攞三甲」、「為什麼四號一個獎都沒有,不公平的選美」、「都係覺得關小姐應該入三甲!支持Fabbiene!」及「有乜理由關楓馨一個獎都冇呀」等等。

《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖
《2021香港小姐競選決賽》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能