《IT狗》大玩「大台理論」 楊英偉現身客串好驚喜

·2 分鐘文章
《IT狗》截圖
《IT狗》截圖

由凌文龍、岑珈其、陳漢娜、楊樂文(Lokman)、余逸思(Yoshi)及陳湛文等人主演嘅ViuTV原創劇《IT狗》正在熱播中,劇集演員配搭新鮮,再加上笑料不斷,成功贏得口碑及掀起網民熱烈討論。喺前晚嗰集更加有楊英偉驚喜客串,大玩「大台理論」,唔少網民都話好驚喜。

前晚劇情講到對手PayPayEgg打算與雅典娜婚禮策劃公司合作,而PayPayDuck就諗計睇下可唔可以中途截糊,期間星之子Tony(Lokman飾)就拋出「大台理論」,成功推算出雅典娜嘅老闆係姓喬同埋有一個獨生女喬子琳。之後Tony、阿信(凌文龍飾)及開開(林家熙飾)一同實踐「大台理論」,借喬子琳(張蔓莎飾)同爸爸喬山河(楊英偉飾)修補父女關係,意圖換取同雅典娜合作嘅機會。雖然真係幫佢哋修補關係,不過PayPayDuck就未能同雅典娜合作。

59歲嘅楊英偉係香港演藝學院第一屆畢業生,畢業後便加入香港話劇團。1997年加入TVB做演員,參演過無數劇集,最為人熟悉嘅就係《真情》嘅林木川(木村)。2013年佢離開無綫並轉投香港電視,2017年開始接拍viuTV劇集,例如《暖男爸爸》及《打天下》等等。今次佢喺劇中客串飾演喬山河,唔少網民都話佢個名係影射無綫劇集《護花危情》,因為喬山河呢個名係「喬江山」(秦沛飾)同「喬江河」(蔣志光飾)嘅合體。唔少網民見到佢喺《IT狗》出現,都紛紛留言話好驚喜。

《IT狗》截圖
《IT狗》截圖
《IT狗》截圖
《IT狗》截圖
《IT狗》截圖
《IT狗》截圖
楊英偉Facebook
楊英偉Facebook
楊英偉Facebook
楊英偉Facebook
楊英偉Facebook
楊英偉Facebook
楊英偉Facebook
楊英偉Facebook
楊英偉Facebook
楊英偉Facebook

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能