「亞視一姐」薛影儀推出新歌《爸爸爸爸我愛你》獲網民大讚:唱得好有感情

薛影儀推出新歌《爸爸爸爸我愛你》
薛影儀推出新歌《爸爸爸爸我愛你》

現年39歲嘅「亞視一姐」薛影儀(阿儀),大約兩個月前推出首支單曲《一加一等於阿儀》進軍樂壇,MV至今已經超過170萬觀看人次,成績理想。首支單曲成績咁好,阿儀當然打鐵趁熱,喺今日推出第二首單曲《爸爸爸爸我愛你》,而MV亦同日上架。

《爸爸爸爸我愛你》同上次《一加一等於阿儀》嘅音樂班底一樣,曲、詞及監製都係搵嚟Monsterz怪獸(李永升)負責,不過曲風就截然不同,轉走文青風格,歌曲前本部分係國語,而後半部分則係廣東話。今次嘅MV拍攝招募咗9組自願參與嘅真實父子或父女參與拍攝,當中包括《全民造星V》大馬參賽者Maico。另外,阿儀早前接受大馬傳媒訪問時就話呢首歌一定會感動到大家喊。

MV出街後,唔少網民已經急不及待觀看,並紛紛留言大讚,例如「阿儀唱爸爸爸爸我我愛你的演繹方法一改以往的唱歌方式!今次每句歌詞都在句尾的尾音上下了點功夫,讓聽眾聽來更順耳。阿儀的進步、善良和孝順,不用打鑼打鼓的大聲公告,因為,只要用心自然感受得到。」、「個MV拍得好好,阿儀越黎越有個人風格,快歌慢歌都handle得好好 實破百萬view」、「公道講句,唱得好有感情」、「客觀講,其實真係有感動,講真,音樂有時唔一定要完美vocal,回歸最初本質,如果有一樣嘢聽到可以勾起心中一絲情感,其實可能就係音樂的意義吧,開始明白,其實阿儀比我哋都要勇敢,加油」、「阿儀慢慢變成實力派歌手」、「太好聽,好感動」、「聽完真係好感動,想搵爸爸抱下」、「阿儀bb唱得好好啊!」、「人哋諗住輕鬆吓,點知搞喊我。真心好聽!」及「阿儀真心進步咗」等等。

薛影儀《爸爸爸爸我愛你》MV截圖
薛影儀《爸爸爸爸我愛你》MV截圖
薛影儀《爸爸爸爸我愛你》MV截圖
薛影儀《爸爸爸爸我愛你》MV截圖
薛影儀《爸爸爸爸我愛你》MV截圖
薛影儀《爸爸爸爸我愛你》MV截圖
薛影儀《爸爸爸爸我愛你》MV截圖
薛影儀《爸爸爸爸我愛你》MV截圖
薛影儀《爸爸爸爸我愛你》MV截圖
薛影儀《爸爸爸爸我愛你》MV截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!