「億萬駙馬」伍富橋公開接受老婆Shirley「行大禮跪拜」：家庭地位達到頂峰

伍富橋2014年參加TVB歌唱選秀《超級巨聲4》入行，2016年簽約加盟星夢娛樂，早前宣布與TVB唱片公司合約及經理人合約已完約，現時為TVB基本合約藝人，叫大家若有工作邀請都可以直接DM佢或太太梁兆楹（Shirley）。伍富橋與Shirley於2022年結婚，據悉Shirley父親從事物流業及食品等生意，擁有兩間麻將館，身家以億計算，伍富橋因而被封「億萬駙馬」。結婚3年，二人嘅甜蜜互動深受關注；日前，伍富橋竟然公開接受Shirley行大禮跪拜嘅影片，似足皇帝。

伍富橋日前分享一段影片，本身佢正用掃把及垃圾剷打掃5,000呎豪宅，但趁Shirley做瑜伽嬰兒式嘅動作時，佢就故意坐喺對方面前扮皇帝，接受Shirley跪拜，表示：「這一刻的家庭地位達到頂峰」。不過，當Shirley做完該瑜伽動作起身嗰陣，伍富橋又快快趣揸返掃把和垃圾剷打掃，相當搞笑。伍富橋出名寵妻，於結婚3周年再度蜜月歐遊及影婚紗相，上個月推出新歌《你是我的薔薇》，更搵嚟Shirley出任女主角。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！