「安仔」暫別《愛.回家》!蘇韻姿晒4年前首日開工相嗌唔捨得

·1 分鐘文章
「安仔」暫別《愛.回家》!蘇韻姿晒4年前首日開工相嗌唔捨得
「安仔」暫別《愛.回家》!蘇韻姿晒4年前首日開工相嗌唔捨得

無綫處境劇《愛.回家之開心速遞》真係捧紅唔少人,「大小姐」林淑敏、「送水輝」許家傑、「Bonnie」林凱恩等都係靠呢套劇入屋而人氣急升。而飾演「金城安」嘅周嘉洛,因要拍攝新劇《痞子殿下》要暫別《愛.回家》。尋晚(1日)播出嘅一集「再見安仔」,就交代佢獲吳旺達領事館聘用後,要離港一年。

2017年佢哋首日開工相,周嘉洛當時比依家更清澀。
2017年佢哋首日開工相,周嘉洛當時比依家更清澀。

安仔暫別,人人都唔捨得,飾演熊心如嘅蘇韻姿,就喺社交網Post佢哋喺2017年1月10日首日開工相,相中人仲有呂慧儀、劉丹、單立文,只見周嘉洛當時比依家更加清澀,令網民都話:「時間過得真快,係時候安仔要講拜拜!」蘇韻姿亦留言話唔捨得「安仔」:「熊家最細嘅就係我哋兩個,今晚要同你講再見真係好唔捨得;1200+集真係唔簡單!熊家冇咗唯一一個唔係姓熊嘅成員係唔齊全㗎!」

周嘉洛拍《愛.回家》上晒位,不過佢要暫別喇!
周嘉洛拍《愛.回家》上晒位,不過佢要暫別喇!
佢更憑「安仔」一角奪得台慶頒獎禮最佳男配角。
佢更憑「安仔」一角奪得台慶頒獎禮最佳男配角。