「御用丫鬟」陳思齊曾傳整容失敗 《冥冥之中》靚樣現身被網民一眼認出

有「御用丫鬟」之稱嘅陳思齊（前名：陳凱怡）離開TVB多年，近日竟然出現喺ViuTV新劇《冥冥之中》，佢喺劇中飾演人口控制公司職員，雖然戲份唔算多，不過仍然被網民一眼認出。

現年40歲嘅陳思齊喺2000年參加香港小姐競選，當時被傳媒睇高一線，更被封為「翻版朱玲玲」，可惜佢最後因為「朱玲玲係邊個？」一句令佢大熱倒灶。陳思齊加入TVB後，拍攝電過唔少電視劇集，可惜拍咗13年都星運平平，由於佢弱質纖纖，又有俾人一種楚楚可憐嘅感覺，所以佢大多數都係做丫鬟角色，因此有「御用丫鬟」之稱。去到2013年，佢轉投香港電視曾參演劇集《大眾情性》，之後香港電視不獲發牌，最終選擇退出娛樂圈轉行做香薰按摩生意。

陳思齊多年嚟喺演藝事業上未算突出，不過喺2013年曾傳出佢整容，令佢備受關注。當年指佢整容失敗，原來佢係擔任美容院代言人，打咗兩針透明質酸針，搞到面容變膠及鼻子變形，完全無晒當年脫俗嘅氣質，好彩透明質酸會被皮膚吸收及分解，而家個樣先可以變返正常。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！