「我老婆嫁左比Mirror導致婚姻破裂關注組」 關閉 金廣誠致電了解 版主：欣賞佢正視問題

去年7月有網友在 facebook 成立「我老婆嫁左比Mirror導致婚姻破裂關注組」，分享家中鏡粉瘋狂追星行徑，至今已經有超過 35 萬人加入。惟早前版主RC宣布，由於對今次MIRROR紅館演唱會嘅安排感到極度不滿，因此決定演唱會後將群組永久關閉。事隔數日後，該版主今日（5 日）再發文，指 ViuTV 高層金廣誠曾親自致電他了解事件，「我好appreciate佢咁快去正視同埋主動聆聽問題，如果比著係其他台，可能佢又報警話比網民欺凌喇，至於後續係點就留待大家自己觀察。」

RC 又指，自己收到訊息有人出六位數希望購買該群組，「sorry出手太低喇，出5億我就賣啦，我送埋我個個人ac比你都仲得。

他又重申，無意去放大事件或者分化鏡粉，並向 Mirror 12位成員表示「如果我有幸做成你地嘅困擾，我心感抱歉，請你地好好準備演唱會，唔好令入場嘅觀眾失望，唔好浪費我老婆嘅心機，你張飛真係好難搶架。」

RC早前貼文指，「鏡粉」一出新歌粉絲出錢出力搞應援、代言產品又大手入貨，但紅館座位表就「黑洞咁嘅樣」，認為「你眠乾睡濕養大個仔／想參加佢嘅畢業典禮／但，你要睇下好唔好彩先買到飛／一係你就幫襯校長個fd買份保險／一係就係canteen買24個月餐券／想坐靚位？買兩set丫」，更直言「你地而家係將鏡粉對Mirror嘅愛綁架」。

不少成員在帖文下留言，支持版主決定之外，亦「井噴式」宣洩無法成功撲飛的不滿，甚至稱MIRROR經理人公司MakerVille是「官方黃牛」。

MIRROR 7月首次紅館個唱早前以實名制公開售票，創香港演唱會先例，以打擊黃牛飛。雖然已經加開2場fans專場，但內部認購同贊助商扣起不少門票，公開售票數量平均每場只有3千多張，開售當日更出現網路大塞車，要用大半日時間才售罄。