「林鍾大戰」未打已一地花生 鍾培生杜汶澤隔空開火

·4 分鐘文章
「林鍾大戰」未打已一地花生 鍾培生杜汶澤隔空開火
「林鍾大戰」未打已一地花生 鍾培生杜汶澤隔空開火

林作與鍾培生嘅「林鍾大戰」一直成為網民熱話,唔少人都話好期待呢場花生指數爆燈嘅拳賽。早前賽事落實9月18日喺九展Star Hall舉行,當晚預計開放1800位觀眾入座,預計門票價錢由1200元至近3萬元不等。另外,據講樂隊LMF和側田已獲邀請做表演嘉賓。呢場百萬擂台大戰除咗吸引網民關注之外,連杜汶澤都有留意,甚至喺社交網站分享新聞並留言話:「有多餘錢,你會去睇有誠意嘅「一秒拳王」,定還是小丑打交?三萬蚊?過夜呀?你估你係雞呀?」。此PO一出,隨即辣㷫咗鍾培生,佢仲以千字文反擊,今次輪到林作食花生睇戲啦!

「林鍾大戰」
「林鍾大戰」

鍾培生以千字文反擊,留言話:「首先多謝杜汶澤先生關注,唔係小丑打交,係慈善企業家打小丑,另外場地座位價錢表一律未安排。」之後再寫出佢認為杜汶澤網上平台嘅經營問題,最後仲話:「仲有好X多問題未諗到,我仲要計到佢已經無成本無宣傳底下有2萬人去左比錢,因為佢個show成功,有好多friend 叫佢同我地一齊搞個platofrm la,tvb 無架啦,咁佢ego大就去試,XXX輸X死佢呀」

之後,田蕊妮亦有出po力撐老公,寫上:「首先多謝自稱慈善企業家嘅鍾先生俾咗咁多寶貴嘅意見我哋lateshow個app同埋杜先生本人。 確實搞呢個app我哋遇到好多困難,成本亦相當之高,但係從中亦學識咗好多新嘅知識,幸好最後俾我哋遇到一班優秀嘅I.T.團隊,我哋亦不斷地作出改進,務求令到個app可以更加完善。 當然我哋背後並無一個好勁嘅投資者,但係我哋有一班香港人,一班好X愛香港嘅香港人!至於登記人數方面恐怕要令到鍾先生你失望!你冇比多左我哋,你係比少咗我哋! 而節目內容方面,我哋公司並唔係求量,而係精,務求每一個節目出到嚟都係有創意,有質素,並唔係為咗填滿個air time而求其拍啲嘢出嚟。 至於你話杜先生XX輸X死佢,可能佢係XX啦,但係佢呢一種勇氣同行動唔係人人都有,而我最近聽到自從我哋搞咗呢個app之後有其他人都想搞喎!最後本人亦預祝你同林先生嘅拳賽大賣唔會輸啦!」唔少網民都留言支持及大讚阿田大方得體,估唔到食花生嘅林作都有喺阿田個PO度留言話:「我係你Fans!」。

田蕊妮Facebook
田蕊妮Facebook

去到噚晚,杜汶澤再連出兩個PO,分別係回應有人叫佢與鍾培生打返場拳賽,不過杜汶澤就話自己學空手道唔係用嚟比賽係用嚟殺人,同埋佢冇咁嘅閒情逸致去做呢件事。至於第二個PO就係直接怒罵、諷刺鍾培生,,而鍾培生亦有回應,並話:「R撈既話唔該排隊, 未得閒X你, 等我無乜新聞量又要宣傳既時候再比你抽下水, 你有d 知名度放心我會陪你玩下 同埋有時間香港人前香港人後,要威要做老闆首先學識準時出糧先」。

杜汶澤Facebook
杜汶澤Facebook
鍾培生出PO回應杜汶澤
鍾培生出PO回應杜汶澤

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!