「混血飛魚」何詩蓓奪奧運銀牌 方力申哽咽落淚:好激動

·1 分鐘文章
「混血飛魚」何詩蓓奪奧運銀牌 方力申哽咽落淚:好激動
「混血飛魚」何詩蓓奪奧運銀牌 方力申哽咽落淚:好激動

繼「香港劍神」張家朗勇奪東京奧運男子花劍金牌為香港爭光,23歲「混血飛魚」何詩蓓於女子200米自由泳決賽,以1分53秒92打破亞洲紀錄勇奪銀牌,取得港隊史上首面游泳獎牌!唔少藝人早已坐定定喺電視前,齊齊觀賞神聖嘅一刻,對於女飛魚奪銀,大家都非常興奮,於社交網留言祝賀。

何詩蓓奪奧運銀牌創史上首面游泳獎牌!
何詩蓓奪奧運銀牌創史上首面游泳獎牌!

曾代表香港出戰奧運嘅「飛魚王子」方力申(小方),今年有份採訪東奧嘅佢,晨咁早已抵達現場霸佔最有利位置採訪何詩蓓。對於何詩蓓勇奪銀牌,小方一度哽咽,忍唔住落下男兒淚:「好激動,呢面牌真係好難,游水真係好難!好多問題未問完,但...遲啲再問。作為土生土長嘅香港人,大部分訓練時間喺香港,對我哋係一個好大嘅鼓勵。香港嗰個讀書壓力好大,好多人中間會放棄(游水),游得好嗰幾個先會繼續游。」

曾為游泳港隊嘅方力申拍片表示激動。
曾為游泳港隊嘅方力申拍片表示激動。
一度咽哽謂「游水真係好難」!
一度咽哽謂「游水真係好難」!
落下男兒淚!
落下男兒淚!

而歌手謝安琪亦晒出何詩蓓游泳英姿留言大讚「太有型了」;藝人洪永城睇好下屆巴黎奧運能勇奪金牌:「已經叻到癲,恭喜晒,只係23歲,巴黎再攞金牌。」王敏德、鄭裕玲、郭晉安等亦紛紛留言祝賀。

謝安琪大讚有型。
謝安琪大讚有型。
洪永城睇好下屆巴黎奧運奪金!
洪永城睇好下屆巴黎奧運奪金!
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能