「玻璃朱」朱庭萱指鏡粉係井底之蛙:MIRROR呢啲樣行落旺角大把啦

·2 分鐘文章
「玻璃朱」朱庭萱 & MIRROR
「玻璃朱」朱庭萱 & MIRROR

人氣男團MIRROR啱啱完結嘅成軍兩周年演唱會掀起撲飛潮,唔少「鏡粉」大嘆一票難求。早前更有疫苗專家建議政府邀請MIRROR為接種疫苗宣傳,甚至連立法會議員葉劉淑儀都提議MIRROR及ERROR北上參加綜藝節目推廣香港文化,可見佢哋嘅人氣真係爆晒燈,風頭一時無兩。估唔到連藝人「玻璃朱」朱庭萱(Bonnie)都有留意MIRROR,不過佢就認為MIRROR「呢啲樣行落旺角大把啦」。

早前有媒體發起「六場MIRROR演唱會完結,大家感受最深係乜?」嘅投票,而四個選項就包括「香港終於有偶像啦!」、「姜濤真係好靚仔!」、「十二人缺一不可!」及「一代不如一代,真係冇興趣!」,結果係投最後個選項「一代不如一代,真係冇興趣!」嘅人佔最多數,而玻璃朱亦都係選咗呢個選項,更留言話「呢啲樣行落旺角大把啦,真係好大驚小怪囉。究竟咩叫靚仔有才華?內地歌手王一博、張藝興呢啲就係哪﹗成班井底之蛙」。 之後,佢亦得到唔少「相同見解」嘅網民讚好留言及附和,指唔認識MIRROR,亦冇興趣知道。

去到今日凌晨,玻璃朱喺自己個人社交網站出PO話唔想傳媒將佢同MIRROR放埋一齊抽水,自己只係喺一個媒體嘅民調留言都要大做文章,唔想幫佢哋做宣傳,亦唔想幫自己做宣傳。之後,佢再喺呢個PO下面留言補充:「我都係講出事實嘅陳述喳!我話呢啲樣旺角大把,都冇話過佢哋醜樣啦!但我真係覺得王一博靚仔好多呀嘛~又識唱又識跳仲識排舞編曲。叫佢哋走出去個井睇吓呢個世界有幾多靚仔有才華都係錯 #言論自由已死#唔鍾意塊鏡就要被公審批鬥」。

「玻璃朱」朱庭萱 Facebook留言
「玻璃朱」朱庭萱 Facebook留言
「玻璃朱」朱庭萱
「玻璃朱」朱庭萱
「玻璃朱」朱庭萱
「玻璃朱」朱庭萱
「玻璃朱」朱庭萱
「玻璃朱」朱庭萱
MIRROR
MIRROR
MIRROR
MIRROR

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能