「百億豪門新抱」郭晶晶著平價波鞋惹關注 獲激讚貼地不炫富

「跳水皇后」郭晶晶與出身豪門嘅霍啟剛結婚13年，育有1子2女。有指霍啟剛擁有至少300億港元身家，但生活樸素，被貫以「最貼地富二代」。郭晶晶與霍啟剛不時拍拖外遊，低調打扮亦以平民化交通工具代步；日前，二人於上海被網民野生捕獲，郭晶晶嘅打扮引起網民關注。

郭晶晶為代言嘅眼鏡現身上海活動，又被網民巧遇與霍啟剛於飾物店舖拍拖。從照片中睇到，郭晶晶身穿白色連身裙，揹上Bottega Veneta手袋，但就被網民發現其波鞋為國產品牌，價格不到一百元人民幣即可入手，獲大讚貼地。另外，郭晶晶平日都唔會化上大濃妝，曾大方拍下素顏照，被網民指眼袋和法令紋明顯，但即使存在歲月痕跡，網民力撐起碼冇醫美加持，加上皮膚仍然白滑緊緻。郭晶晶就曾公開自己嘅護膚秘訣，指自己算係勤力護膚嘅人，每日都會做足清潔、爽膚、保濕等護膚程序，又保持多喝水、多吃水果及運動等習慣；不過佢就相信美麗與年紀無關，認為每個年紀都會有嗰個階段嘅美麗，同時美麗應該係由內而外散發出來。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！