「細細粒」陳嘉佳繼分享與岑麗香10年前後對比照 最新近照大騷隱藏級好身材

陳嘉佳（細細粒）2023年因健康響起警號而決心減肥，由最高峰286磅成功搣甩110磅，冇晒高血糖、高血壓、脂肪肝等問題。細細粒曾拍片即場量度身體尺寸數字，腰圍足足減咗近50cm，又於社交平台大曬泳衣、吊帶衫及著婚紗照片，大曬減肥成果，繼分享與岑麗香10年前後攬攬嘅對比照引起熱議，近日更加大騷隱藏級好身材。

細細粒上月底PO出與岑麗香10年前後攬攬嘅合照，喺兩張照片比較下，細細粒於10年後明顯瘦咗一個碼，唔少網民紛紛大讚細細粒五官標緻，愈瘦愈靚女，仲有網民表示見到兩個靚女：「十年前一個索女，十年後有兩個」。日前，細細粒再分享喺澳洲所拍嘅近照，寫道：「黎到澳洲，show下2025既我」，從照片中睇到，細細粒身穿黑色吊帶背心，戴上太陽眼鏡，鎖骨線條明顯，更激罕露出事業線，網民激讚細細粒好正：「正咗好多喎」、「靚女，細細粒加油」、「好索」、「成功減肥嘅人，會為自己條下顎線，自豪」、「又靚又健康」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！