「荃灣豬肉檔」劉宋威首次除罩拍廣告 真實外貌曝光惹網民熱討

荃灣豬肉檔劉宋威（威威）早前因為外貌被指酷似MIRROR成員Anson Kong及羅志祥（小豬）而走紅，可惜前排人氣急升後是非不斷，有指威威係「黑社會」背景人士、又話佢曾經加入傳銷公司及又曾有吸毒習慣等等，搞到佢沉寂咗一排。近日威威又再度現身，今次係接拍益生菌廣告，更係佢第一次「除口罩」拍廣告，以真面貌示人。

喺廣告中，威威喺豬肉檔執起大刀咁切肉，但無帶口罩嘅威威明顯比較害羞。片中安排咗一班靚太到豬肉檔搵佢，除咗讚佢有型之外，亦留意到佢好注重腸道健康，該益生菌幫助佢維持強壯的身體和提升免疫力。 鏡頭close up佢一雙電眼外，佢個真樣亦係第一次表露於幕前。威威知道自己要「除罩」演出時，佢話太太緊張過佢：「老婆常常提醒我剃鬚剃乾淨啲，笑我平常因為戴口罩懶剃鬚。」

唔少網民睇到佢真面目後，留言大讚佢「威威見樣啦，唔錯唔錯」、「終於見到他不戴mask的樣子，十分OK！」、「自然不造作！」、「原來真係好靚仔, 十卜十卜」及「支持呀，一樣咁靚仔」另外，亦有網民表示：「除左路人樣到,口罩真係恩物」、「好俗氣 有陣劈場味」、「夢想幻滅啦 唔怪得唔除罩啦」、「威威個鼻好大個呀！」及「點解去街市望，唔係咁樣嘅？」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！