「華為小公主」姚安娜翻跳BLACKPINK舞蹈 內地網民:作法辟邪?

·2 分鐘文章
姚安娜
姚安娜

有「華為小公主」之稱嘅姚安娜(Annabel)係華為創始人任正非二千金,今年初趁23歲生日喺微博宣佈正式加入娛樂圈,並推出首支單曲及MV《Back Fire》。走韓風路線嘅《Back Fire》MV出街後,網民反應就麻麻,大彈佢冇唱功及跳舞好一般。姚安娜雖然得到好多負評,不過佢都繼續發展其音樂事業。近日,喺微博有一張姚安娜翻跳BLACKPINK歌曲gif圖曝光,唔少網民睇完之後仲笑佢跳到好似打拳作法辟邪咁。

一向EQ高嘅姚安娜,今次繼續以幽默方式回應網民,除咗係gif圖加上「水逆退散,諸事順遂」之外,並留言話:「清早刷到很早之前還沒有開始專業訓練時自己拍的,大家的批評和建議我已收下~目前在努力練習和籌備新作品中,希望能讓大家看到我的進步~最後祝大家水逆退散,諸事順遂。」雖然有網民留言話支持佢,不過唔少內地網民繼續留言取笑佢,例如:「這是在做法嗎?」、「姐姐看你跳舞感覺我看到了劍擊+降龍十八掌+太極拳的樣子」、「你在這幫我施法嗎?」、「有諧星路線的潛質」及「跳舞怎麼跟打拳擊一樣」等等。

1998年出生嘅姚安娜(原名:姚思為),5歲已經學習鋼琴、書法、音樂和國畫;9歲開始熱愛芭蕾舞;15歲前往上海著名芭蕾舞教室接受準職業訓練,期間參演過唔少經典舞台劇。另外,佢仲參加過唔少海外嘅芭蕾舞學校及舞團集訓,年紀輕輕嘅佢就已經成為英國皇家舞蹈學院(RAD)最高級別嘅獲得者。除咗精通舞藝之外,姚安娜嘅學業成績亦非常優異,佢係畢業於哈佛大學嘅高材生,不過畢業後佢冇幫手打理家族生意,而係選擇勇闖娛樂圈。

姚安娜
姚安娜
姚安娜
姚安娜
姚安娜
姚安娜
姚安娜
姚安娜
姚安娜《Back Fire》MV截圖
姚安娜《Back Fire》MV截圖
姚安娜《Back Fire》MV截圖
姚安娜《Back Fire》MV截圖
姚安娜《Back Fire》MV截圖
姚安娜《Back Fire》MV截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!