「餅碎」合體賀Kary生日兼出道20周年 楊愛瑾繼續冇影

「餅碎」合體賀Kary生日兼出道20周年 楊愛瑾繼續冇影

前Cookies成員區文詩(Angela)早前上節目大爆女團秘聞,直指當年係睇雜誌先知「被退團」,不過就冇影響成員之間嘅感情,至今同鄧麗欣(Stephy)及吳雨霏(Kary)等依然好好感情,呢日佢哋3姊妹再度齊集,為將於下月(6月)9日36歲生日嘅Kary提早預祝生日,Stephy於社交網大晒靚相,仲話其實今年係Cookies成軍20周年,應該順道慶祝埋呢個大日子:「其實我哋應該慶祝埋相識20周年。」而區文詩及Kary亦有留言和應,即時引起網民熱議。

而「餅碎」之中仲有一餅楊愛瑾(Miki)依舊未有現身,佢同Kary已決裂多年,有指喺2016年嗰陣因為Miki洩密,而令Kary小產一事曝光,佢哋就從此絕交,仲將對方所有合照喺社交網上刪走,並再冇合體啦!

楊愛瑾依舊未有現身。
楊愛瑾依舊未有現身。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能