無綫下周一變陣 黃金時段只播一套劇集 靠改播綜藝節目搶回收視?

·3 分鐘文章
無綫將於下星期一進行大變陣
無綫將於下星期一進行大變陣

近月TVB同ViuTV電視大戰愈演愈激烈,自從曾志偉同王祖藍回巢救亡後,無綫推出多個綜藝節目及電視劇與ViuTV對撼,好似最新就有《刑偵日記》VS.《大叔的愛》,雖然前者收視較高,但後者就贏盡口碑兼喺網絡上瘋狂洗版,更成為大家茶餘飯後熱門討論話題。有傳因電視大戰及迎接東京奧運會嘅關係,無綫喺下星期一(19日)開始變陣,由以往喺黃金檔期播兩套劇集,變成只播一套劇集,改播綜藝節目。

無綫喺下星期一進行大變陣,首先將星期一至五嘅《東張西望》及`《愛·回家之開心速遞》提前半小時播出,而8點半檔期就會改播綜藝節目,即係《寶寶大過天》播映完畢後,無綫並冇安排新劇接捧,而係計劃播出1個半小時嘅綜藝節目,將會播映《聲夢傳奇决賽》、《明星運動會》、《盛.舞者》以及《全城迎奧運》,直至下月9日先至會有新劇出街。至於9點半檔期方面,正在播映嘅《刑偵日記》亦會順延至10:15播出。

《刑偵日記》搵嚟兩屆視帝王浩信、惠英红、姜皓文、袁偉豪及黄智雯等好戲之人演出,劇情更圍繞唔同嘅心理及精神病患者,劇集題材大膽又創新,但可能較為難明同燒腦,令劇集播映至今反應麻麻,首5集嘅收視更只係得17.5點。雖然收視咁低,不過王浩信喺出席活動時就話而家觀眾會喺唔同渠道睇劇,所以淨係睇傳統收視並不恰當,再加上劇集喺微博多次上過熱搜榜,咁樣就證明成績唔太差,收視率唔可以代表一套劇集嘅質素。相反,由MIRROR成員Edan(呂爵安)、Anson Lo(盧瀚霆)及黃德斌主演嘅ViuTV劇集《大叔的愛》,劇情輕鬆又搞笑,觀眾好評如潮,首5集收視錄得6.4點,較早一星期播出嘅《造美人》上升咗一倍收視,更成為成為ViuTV開台以來最高收視嘅劇集。

《聲夢傳奇》截圖
《聲夢傳奇》截圖
《聲夢傳奇》截圖
《聲夢傳奇》截圖
《盛·舞者》
《盛·舞者》
《大叔的愛》截圖
《大叔的愛》截圖
《大叔的愛》劇照
《大叔的愛》劇照
《刑偵日記》劇照
《刑偵日記》劇照
《刑偵日記》劇照
《刑偵日記》劇照
《寶寶大過天》劇照
《寶寶大過天》劇照
《寶寶大過天》劇照
《寶寶大過天》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能