【人情公價】90後準新娘呻lunch buffet婚宴貴 要求賓客現金做人情兼留名

人情何價?
人情何價?

人情應該俾幾多,絕對是一門考驗人智慧的學問。日前WhatsApp瘋傳一則短訊,疑似由一名即將出嫁的90後IG網紅Foodie發出;據知,婚宴在愉景灣酒店舉行,準新娘在其短訊中的「溫馨提示」獲邀出席Lunch Buffet婚宴的朋友,必須付現金人情,不能以禮物或現金券代替,該名準新娘又強調,她在愉景灣酒店擺的 Lunch Buffet「係好貴的」,絕非一般 Lunch Buffet 可比擬,明言不想因為再為婚宴倒貼任何金錢,「人情嘅利是封係要寫低你個名的!」

WhatsApp 全文

據知,涉事90後準新娘為IG網紅Foodie,她向獲邀出席酒店婚宴朋友發出的短訊,全文如下:

「咁講會有啲尷尬,希望你吾(唔)好介意呀
同埋我叫左(咗)好少人,所有人加埋係 9-10 圍,所以叫得都是我喜歡的
就係咁既(嘅),因為聽到有人以為可以吾(唔)洗比人情,淨係比結婚禮物就得
但以我所知及問過人,去飲係一定比人情(亦都有結左(咗)婚既(嘅)人講番收過吾(唔)係錢,而係 Coupon)
為免發生呢啲事件,我溫馨提示大家
另外今次既(嘅)愉景灣酒店 buffet 係好貴的
人頭算的(因為有朋友話以為係 lunch buffet 就平好多)
希望大家明白結婚已經要用好多錢,冇理由要我地每位倒貼幾百蚊架(㗎)嘛
同埋人情既(嘅)利是封係要寫低你個名的」

舉辦婚宴向來花費不菲,那麼在愉景灣酒店擺Lunch Buffet婚宴有幾「貴」?有網民好奇下查閱該酒店Lunch Buffet的價格,稱似是10萬元包120人,即平均每人833元,「所以她說好貴,可能驚人封少過800元,因800元都圍唔到本」 WhatsApp短訊曝光後,不少網民狠批準新娘,稱「如果我係佢朋友,一定絕交冇面俾!」,當中不少人直斥準新娘無家教,「賓客回禮係禮儀,但係唔好老奉逼賓客回禮亦係一種禮儀,呢啲嘢有家教嘅人唔會唔識!」

相關閱讀:

港人結婚平均開支增至36萬 公價人情反而無加?

相關搜尋字:

人情 人情公價 Lunch Buffet 愉景灣酒店 Foodie