【仲有冇人想睇】獲邀復出幕前演女強人 張玉珊say no:驚俾人笑

汪圓圓、詩詩姊妹撐張玉珊搞慈善晚宴。(攝影:沈健程)
汪圓圓、詩詩姊妹撐張玉珊搞慈善晚宴。(攝影:沈健程)

張玉珊、汪詩詩、汪圓圓、周勵淇、琦琦、羅霖、吳麗珠等,噚晚喺尖沙嘴出席慈善晚宴,前特首梁振英一家四口都有到場,不過佢兩個女就特登繞到傳媒背後靜雞雞入場。

擔任慈善晚宴嘅籌委嘅張王珊講到自己近況:「都係咁啦!冇太大突破,好悶,做慈善同生意。」會唔會再做幕前?她笑稱:「好驚,我好渣,o依家面對鏡頭都唔太自然。係有人搵過,但好驚俾人笑,多數搵我做女強人角色,驚演得唔似,演得唔好,我都係做番keep fit叻啲。」

汪氏姊妹就話係嚟支持張玉珊,圓圓話一直都係忙照顧3個小朋友,孖仔兩歲,已經讀學前班,大女就讀緊K2:「我唔係香港長大,唔知香港學校咁緊張,搞到要周圍問朋友點揀學校。」

詩詩笑話自己都好係唔記得以前點湊小朋友:「仔女長大,唔係好睬我,佢哋有自己生活。不過個女好乖,好忙功課,而阿仔就好多課外活動,又要補習,我哋都好少見,仲要湊老公呢個大BB呢!好辛苦,我已經好殘,不過一齊工作又好開心。」可以有得揀,想湊老公定仔女?詩詩笑:「答案好簡單,但我唔會講,因為三個小朋友識聽識睇。」

張玉珊驚復出幕前冇人想睇
張玉珊驚復出幕前冇人想睇
周勵淇扮靚靚支持慈善活動
周勵淇扮靚靚支持慈善活動
汪圓圓、汪詩詩兩姊妹忙照顧仔女
汪圓圓、汪詩詩兩姊妹忙照顧仔女
羅霖單拖現身
羅霖單拖現身
梁振英一家四口都有出現,但兩個女繞道入場避記者
梁振英一家四口都有出現,但兩個女繞道入場避記者
黃玉郎好開心喎
黃玉郎好開心喎