【係時候坦白啦】余德丞冧樣挨蔡思貝膊頭 曖昧留言被催公開戀情

蔡思貝出道5年曾經係「新聞製造機」,多次被指危駕、學歷受質疑、緋聞纏身,不過之後努力跑步洗底,差少少就成為大台嘅健康大使,連演技都大躍進受稱讚。

嚟緊大台頒獎禮,蔡思貝同余德丞(Dickson)獲提名做最受歡迎電視拍檔,佢哋自從去完緬甸拍旅遊節目後,感情一直疑幻似真,但都停喺「好曖昧」呢個階段,噚晚Dickson又發功,喺ig貼出兩張合照,其中一張更加挨喺蔡思貝膊頭,擺出一冧樣,佢嘅留言亦都唔留手:

「人與人之間嘅關係就係咁奇幻
佢鐘(鍾)意睇書 我鐘(鍾)意睇波
佢鐘(鍾)意刺激 我鐘(鍾)意舒適
佢唔鐘(鍾)意俾人控制 我鐘(鍾)意控制人
可能就係因為咁,當我亂咁噏當秘笈,佢會講埋我份台詞,當我認真同人溝通緊,佢會係汁(側)邊輕鬆慢慢等,下刪一千字…」
呢段說話講到兩人一凹一凸係Perfect Match咁,當然引咗好多人叫佢哋拍拖,或者直接公開戀情,不過Dickson只係呼籲大家投票。

其實佢兩個關係一直都好親密,之前余德丞踢波突然昏迷入院,蔡思貝第二日即兩次到醫院守候。之後Dickson首次復工亦都係拍住蔡思貝,以「情侶檔」出席商場活動,期間又跪地送花,活動之後又同蔡思貝父母合照一家親。Dickson仲公開認自己偏心,讚蔡思貝形象好。(新聞連結:

http://bit.ly/2Q7E09q

數番近啲,上個月台慶開場時藝人分組出場,Dickson擔任司儀,先係問姚子羚想同邊個藝人朋友跑步,等姚子羚答完之後,Dickson再搶閘問埋身邊嘅蔡思貝,雖然蔡思貝都有啲愕然,但都接得住問題答番佢:「我梗係想同你啦余德丞!」

余德丞冧樣挨蔡思貝膊頭 曖昧留言被催公開戀情
余德丞冧樣挨蔡思貝膊頭 曖昧留言被催公開戀情
余德丞喺ig拉票,但嗰段說話非常曖昧。(ig圖片)
余德丞喺ig拉票,但嗰段說話非常曖昧。(ig圖片)
仲有一張挨膊頭嘅相,好多人叫佢哋快啲拍拖。(ig圖片)
仲有一張挨膊頭嘅相,好多人叫佢哋快啲拍拖。(ig圖片)
上個月台慶,佢哋已經公開打情罵俏咗一次。(電視圖片)
上個月台慶,佢哋已經公開打情罵俏咗一次。(電視圖片)