【傳被大陸女星摑一巴】Baby三十歲生日 黃曉明孖「小海綿」畫公主冧老婆

今日是Angelababy的30歲生日,老公帶埋囝囝一齊畫畫送給Baby。(微博圖片)
今日是Angelababy的30歲生日,老公帶埋囝囝一齊畫畫送給Baby。(微博圖片)

楊穎(Angelababy)14歲出道,在日本當模特兒,不經不覺,已成為人妻兼人母,2015年與大陸男星黃曉明結婚,兒子「小海綿」已經兩歲大。

今日是Angelababy的30歲生日,老公曉明凌晨放閃,與兒子「小海綿」一齊獻上生日祝福,他在微博寫道:「生快,美媽。」字數不多,但情意無限。小海綿雖然未以正面見人,但他低頭用肥嘟嘟的小手玩着畫筆,驚人的髮量更是吸睛,讓不少網民讚嘆和欣羨,還有人想到日本爆髮量的知名BB Chanco。而曉明則畫上一位戴住皇冠的小公主,相信Angelababy見到一定冧到爆。

Angelababy近日在法國巴黎時裝周看騷,她前日在巴黎提前慶祝生日,在IG貼上雙手合十低頭許願的相片,不少粉絲都送上祝福:「女神,生日快樂!」

此外,近日有傳Angelababy去年錄影綜藝節目時,大陸女星鍾楚曦因為玩輸,心有不忿,打了Angelababy一巴掌。她昨日接受無綫娛樂台訪問時否認:「其實真係冇呢啲事,我同佢唔算非常close嘅朋友,係正常傾偈嘅朋友。一睇到,點解啲人作到咁?現網絡環境唔係好好,求其噏啲故事就好多人信,希望大家理智啲。」

Angelababy希望今年多點時間休息,她說:「前幾年做咗好多嘢,現在BB識講嘢,一句句子咁,我日日都同佢FaceTime。」會否母子檔上真人騷節目?她說:「唔會,我真係好唔想成日偷拍小朋友,希望大家理解,覺得小朋友應有自由空間長大,會好啲。」

好識冧老婆(微博圖片)
好識冧老婆(微博圖片)
將老婆視為小公主(微博圖片)
將老婆視為小公主(微博圖片)
Angelababy正身在巴黎看時裝騷(IG圖片)
Angelababy正身在巴黎看時裝騷(IG圖片)
Angelababy合十許願(IG圖片)
Angelababy合十許願(IG圖片)
1歲多的Chanco因髮量多走紅。(IG圖片)
1歲多的Chanco因髮量多走紅。(IG圖片)
Baby接受無綫娛樂台訪問,否認被摑。(無綫電視截圖)
Baby接受無綫娛樂台訪問,否認被摑。(無綫電視截圖)
大陸女星鍾楚曦(微博圖片)
大陸女星鍾楚曦(微博圖片)