雅虎香港新聞 【兩個爸一個媽】港女Meyond續篇：剩女姑仔代孕 為同志生B
陳貝兒主持大台真人騷《嫁到這世界邊端2》中，講到以色列人妻Meyond，自幼因為駝背媽咪而自卑，幸好佢喺英國讀書遇到以色列的猶太裔男同學Oren鼓勵，令佢重信心。（新聞連結：
）
Meyond大受感動，嫁咗畀Oren，生咗兩個囡囡，一家四口喺以色列落地生根，Meyond好欣賞以色列人思維前衛包容。
以色列好接受同性戀，全國又鼓勵生育，Meyond個姑仔、Oren妹妹Tali係剩女，佢苦無對象生BB，咁啱結識咗一對男同志，佢哋三人一拍即合，Tali捐卵，配合男同志捐精，試管結合卵子同精子，再放入母體，十月懷胎，誕下一子，結果組成兩爸一媽嘅四人家庭，共同撫養囝囝。
轉眼囝囝已經五歲，不過父母現在是分開住，囝囝每周三日跟媽咪生活，三日去兩位爸爸家住，周日就係佢哋family day，貝兒仲着咗彩虹tee去探訪Tali一家四口。
貝兒聽完Meyond同Oren愛的故事已深受感動，再聽埋Oren妹妹捐卵生B，令佢大開眼界。貝兒今日接受傳媒訪問時話：「我到訪Tali屋企，感覺到佢哋囝囝有好多愛，比普通家庭多一個爹哋，其實愛真係要包容，愛亦可以有好多組合。」
精選娛聞，喺晒《娛果》
http://fb.com/appledailyent
