【兩女7點要瞓】「虎媽」林熙蕾極嚴家規 學游水跳芭蕾唔使補習

台灣女演員林熙蕾以前參演過唔少港產片，最令人印象深刻嘅就係喺《賭俠大戰拉斯維加斯》入面色誘劉德華，11年佢同楊晨結婚後淡出娛樂圈，現時育有7歲女兒「心心」楊若妤、4歲「蜜蜜」楊晨熙，一家四口定居上海。

香港人之前追睇《延禧攻略》，林熙蕾兩公婆就睇《如懿傳》，從來唔追劇嘅林熙蕾當初衝著愛周迅，男主角霍建華又係閨蜜林心如嘅老公先睇，直到睇完大結局，忍唔住鬧霍建華：「這個男人真的太爛了！下次我看到他可能要揍他一拳吧，不，我真的不知道要怎麼正眼看他！」

林熙蕾自認係「虎媽」，嚴格要求女兒喺晚上7點瞓覺，而兩夫妻每晚都有時間獨處，她說：「孩子是我們的一部分，但不是全部。」結婚7年仍保持熱戀，楊晨微笑補充：「好像昨天才開始談戀愛。」楊晨喺美國長大好少睇古裝劇，話自己連太監係咩都唔知道。

心心和蜜蜜學小提琴、游水、網球、芭蕾舞和鋼琴，但唯獨冇補習。兩個女兒在家中是否爭寵或者凡事要求公平，林熙蕾虎媽表情出現：「沒有公平，這個世界本來就不公平。她們會互相吃醋，會打架會吵架，但到最後還是愛得要死。」兩個女兒個性南轅北轍，心心外向、大方、天真，訪問中不時跳來蹦去，挑戰媽媽脾氣極限；妹妹蜜蜜似隻貓嗲爸爸，大眼睛不停觀察人，她慢熟、內向。林熙蕾話喺蜜蜜身上見到自己影子，不過結婚後好多朋友話佢變得冇咁拘謹。

楊晨話自己做咗爸爸患上「不理智症候群」，見到有小男孩拖女兒手仔或者特別親熱，佢就反感同怒氣，甚至吐出「想把他殺了」這句話。楊晨仲舉例，有次有個機靈4歲小男孩明顯對蜜蜜有好感，居然還懂得拍「岳父」馬屁，叫佢做「蜜蜜把拔」。咁女兒們幾歲開始先可以拍拖？楊晨直接講：「最好不要，我知道不可能，但如果在我眼底，我會盡量去保護她們，希望她們可以跟爸爸享受第一次喝酒醉的感覺，而不是跟第一個男朋友」。

林熙蕾（右）和老公楊晨（左二）帶兩個寶貝女兒心心（左）和蜜蜜在上海受訪。（台灣蘋果日報圖片）