【冧到痺】兩人出遊共用一篋 霆鋒chok住癡望王菲

王鋒戀被網民野生捕獲(網上圖片)
王鋒戀被網民野生捕獲(網上圖片)

49歲王菲同38歲謝霆鋒,世紀復合四年,雖然謝賢話仲未見過王菲,但鋒菲戀打風打唔甩,繼日前王菲被周刊影到靜雞雞來港陪男友,近日有網民在機場捕穫兩人孖住出遊,地點不詳。當時霆鋒望住王菲嘅身體語言充滿愛意,粉絲留言:「終於等到你們同框啦」、「有老夫老妻的感覺」、「要一直幸福下去」。

當日王菲戴黑口罩遮樣,霆鋒就戴cap帽同黑超,佢哋喺飛場禁區內等行李,王菲坐低眼望前方,企喺度嘅霆鋒側頭望女友,當日偶遇王菲同霆鋒嘅網民仲大讚王菲真人好氣質,身旁嘅大叔都俾佢吸引投注目禮,另一個大叔就疑似偷影緊。

而兩人離開機場時,霆鋒負責推行李,兩個人只用一個篋,睇嚟今次出遊目的唔係濕平。

前幾日亦有霆鋒粉絲野生捕獲王菲獨自搭飛機,貼相上微博並留言:「和嫂(王菲)坐隔壁,嫂大部分都在睡覺,等她醒了想上前合影,結果嫂嚇得眼珠子瞪老大回答『今天真的不太方便,下次吧!』」

霆鋒chok住望女友,閃爆阿叔。(網上圖片)
霆鋒chok住望女友,閃爆阿叔。(網上圖片)
霆鋒負責推行李,兩人共用一篋。(網上圖片)
霆鋒負責推行李,兩人共用一篋。(網上圖片)