【前0靚模變成點?】黃榕又俾人飛 Yumi甲狀腺問題身型變腫
尹蓁晞(Yumi)、黃榕同仙樂都等等噚晚喺中環出席Party,有一段時間冇露面嘅Yumi,身形似乎比以前腫脹,佢話:「o依家都係休息為主,要增值自己,學吓做戲同做瑜珈。我最想自己可以健康啲,身邊有好多朋友叫我減吓肥,起碼減番40磅,但係我想減20磅左右,點都唔可以好似20歲嘅狀態。」
Yumi仲話:「其實我係甲狀腺嘅問題,嗰啲藥好易令身體水腫,食少少已經可以好肥,不過o依家已經好番晒,停咗藥,情況最差嗰陣,我自己都覺得好大壓力,搞到有少少抑鬱,唔想出街見人,所以希望keep番好個身體,遲啲先再出返嚟幕前。」
黃榕自爆啱啱同男友分手:「佢話我係好女仔,但係冇諗過會結婚,所以叫我搵過第二個,聽完之後都唔相信,不過佢堅持係冇第三者。」佢仲話:「我冇逼婚呀,只係喺個節目話過佢係結婚對象。」
黃榕又話,已經有朋友介紹男友俾佢:「我希望一搵就搵個結婚對象,以前我係鍾意小鮮肉,o依家明白係有難度,惟有改變諗法,鍾意啲成熟穩重。」