【創業專題】拍檔忽然清盤險破產 WiFi店老闆再出發

蘋果動新聞
馬智洪的WiFi服務公司目前在全港提供4,700個免費WiFi熱點,主要是商場及餐廳等。 何耀勤攝
馬智洪的WiFi服務公司目前在全港提供4,700個免費WiFi熱點,主要是商場及餐廳等。 何耀勤攝

「睇個動新聞,都用咗一大截data,所以免費WiFi個需求量好大!」今年33歲的馬智洪(Sonic),睇準手機數據容量不足,於是創立WiFi服務公司,於商場及食肆提供免費WiFi服務,再靠銷售廣告賺取收入。縱觀市場,Sonic並非首間公司提供免費WiFi,競爭不少,為何要深入虎穴?原來背後是一個「逼上梁山」的故事。

從事媒體廣告銷售多年的Sonic,約年半前跟另一間WiFi公司合作,他「搵客」賣廣告,賺取佣金,當他簽了一張90萬元的廣告合約,轉交定金予WiFi公司後,對方卻突然失蹤,最後更將公司清盤。Sonic:「我只係負責搵客簽單,佢哋係負責網絡供應,但去到限期前都冇做嘢,最後先覆我一句話唔做啦,要清盤啦。」

由於對方合法清盤,Sonic報警及投訴無門,只能履行廣告合約,接手經營WiFi業務,負債近百萬元,其後另創目前的新公司Wifinnity。

十年前在媒體銷售廣告的收入十分可觀,但Sonic今次被拍檔「走數」,負債累累,要變賣家檔,平治汽車、勞力士手錶統統賣走,他說:「到最後捱唔住,要拎埋老婆隻鑽石戒指去賣,佢仲𠱁我話平時都唔戴,叫我拎去套現,我真係好心噏,對唔住老婆……」WiFi業務未賺錢,又負上百萬元債務,更令他患上抑鬱症:「試過工作期間忽然流眼淚,脾氣又變得好暴躁,精神科醫生話我有中度抑鬱症。」

設熱點銷售廣告

直到去年9月,Sonic成功找到投資者加入,將公司重新出發,目前在全港提供4,700個免費WiFi熱點,主要是商場及餐廳等。他指目前的經營模式,主要是幫助商戶安裝網絡設備,收取數百元安裝費,同時代商戶繳交每月的網絡費用,吸引使用其WiFi服務。Sonic為商戶節省WiFi費用,打入市場後,主要靠銷售廣告賺取收入。目前包括網絡及維修費用的每月開支約30萬元,廣告收入則逾六位數,WiFi平台的使用人次由去年的90萬增至最近的230萬人次,現時每月虧損約4萬元,Sonic預計,平台使用人次達400萬,便可以收支平衡。

經過實地測試,他的免費WiFi只需要按登入即可連接互聯網,至於用戶最關注的網速,現場透過通訊辦的App測試,免費WiFi的下載速度約7至8Mbps,用手機電訊商4G的下載速度則約31Mbps,兩者相差甚遠,但以觀看《蘋果動新聞》作測試,兩者皆播放流暢。

每次連接WiFi後,只會派送3個廣告。Sonic解釋指,每部機器登入WiFi後,可派送的廣告或不相同:「我係計impression,以10萬次為一個單位,所以今次你睇到A廣告,下次睇到B廣告,夠10萬次先收錢。」即是要提高收入,除了增加WiFi熱點,亦要提高使用人數。

Sonic指下一步想將熱點移師至公共交通工具,而提高客戶忠誠度亦是一大難題,他坦言:「如果上唔到網一次,下一次人哋就唔用你。」不過他亦指,只要自動連接他的免費WiFi一次,下次到另一熱點亦會自動連接。

記者:陳新政

你可能還想看