【咩叫高學歷】稱劉思希讀EMBA唔算高材生 林作:科大全球排第幾?

蘋果動新聞
林作昨晚在IG留言指劉思希讀EMBA唔算高材生。
林作昨晚在IG留言指劉思希讀EMBA唔算高材生。

究竟何謂高學歷?讀學士、碩士、博士,還是以學府世界排名去定義,娛圈一向有不少勤力讀書的藝人,好像馮盈盈為患有慢性腎炎的胞弟讀港大食物及營養學學士、陳法拉毅然放棄如日方中的演藝事業,到紐約茱莉亞學院讀表演系碩士以全A成績畢業,或是朱千雪和劉思希在娛圈工作,同時重返校園,前者攻讀城大法律博士課程,後者讀科大行政人員工商管理碩士(EMBA)課程。

近日有報道指在無綫處境劇《愛.回家之開心速遞》演「洋洋」的劉思希,目前讀科大EMBA課程,形容她是「圈中高學歷女星代表」,劉思希未入行前,在美國林肯大學讀行政管理碩士,英國《金融時報》公佈2018年全球EMBA課程排名,科技大學連續3年排首位,劉思希所讀EMBA課程在世界首屈一指,對收生要求高。

在牛津數學系畢業的林作,昨晚在IG轉貼劉思希相關新聞,指實在無法接受而家咩都叫高學歷,他留言:「雷丁大學測量學系係全英第一,咁又係咪叫高學歷?!科大其實國際上有幾多人識?呢個學科喺牛津劍橋有得讀嗎?呢個學科其實有幾多外國人想讀?唔係貶低該學歷。」

他說當年看到報道指劉青雲太太於南加大工程學碩士畢業就是超高學歷,真心笑了,「走入牛津、劍橋,望下而家嘅校園有幾多人,甚至幾多華人,你就明-咩鬼高學歷啊,通街都係。走嚟做娛樂圈又有咩奇?!」

他又稱自己女神是英國華裔的陳靜(Gemma Chan),她在牛津大學法律系畢業,於《我的超豪男友》(Crazy Rich Asians)演出大放異彩,外國傳媒都沒將焦點放在學歷上,他覺得「講到尾都係香港人對娛樂圈嘅歧視,同埋對學歷嘅過度崇拜。醒吧!Forget about stereotypes.」。

有網民轉貼林作內容上討論區,認為林作言論白鴿眼,另有網民在林作IG回覆「理得人讀咩大學,試吓欣賞人哋,唔好成日開口埋口剩係掛住自己喺邊度畢業,有自信係好,不過都唔好睇唔起人」、「佢成段廢文都係stereotypes,只有牛津劍橋先稱得上高學歷,其他全部都係垃圾」、「科大喺國際上都好多人識,唔識唔係科大唔夠出名,換個角度係嗰啲人太狹窄,呢個世界只睇到牛津劍橋」。

林作則在IG反問:「科大全球排第幾話?」有網民跟他理論:「你嘅人生只有數字和排名決定?」林作直言:「錯。係由名字決定!」網民罵他:「咁你又問人哋排第幾,問完又話名字決定,睇完排名又話唔係想貶低人哋學歷。其實最標榜學歷嘅係你自己,點解你IG profile寫自己『可能係娛樂圈學歷最高嘅人』,跟住叫人哋唔好過度崇拜學歷。」

有網民支持林作看法,認為港人看到別人在稍有名氣的大學畢業即雙眼發光,「而事實上,科大距離世界名校的確仲有好遠」、「今次講得幾貼地」、「內地、日韓都會推崇學歷高嘅藝人,唔知係唔係亞洲人觀念係咁。」

林作亦有解釋原因。(IG截圖)
林作亦有解釋原因。(IG截圖)
有網民在林作IG理論,認為林作言論白鴿眼。(IG截圖)
有網民在林作IG理論,認為林作言論白鴿眼。(IG截圖)
林作逐一回應網民。(IG截圖)
林作逐一回應網民。(IG截圖)
林作IG profile寫自己『可能係娛樂圈學歷最高嘅人』。(網上截圖)
林作IG profile寫自己『可能係娛樂圈學歷最高嘅人』。(網上截圖)
林作女神是英國華裔的陳靜(Gemma Chan)。資料圖片
林作女神是英國華裔的陳靜(Gemma Chan)。資料圖片

 

你可能還想看