【唔止鄭伊健】姓鄭藝人鍾意住淺水灣?呢位退隱天后住近億豪宅

·4 分鐘文章
【唔止鄭伊健】姓鄭藝人鍾意住淺水灣?呢位退隱天后住近億豪宅
【唔止鄭伊健】姓鄭藝人鍾意住淺水灣?呢位退隱天后住近億豪宅

最近有報章影到鄭伊健喺淺水灣屋企落街食燒味飯,行返屋企仲順路去海灘望下海,chill到爆!伊麵向來「作息有時」,近期拍下廣告同新戲之後就潛心留家做打機宅男,有傳媒幫佢計過數,有幾層樓揸手嘅伊健估計有1.5億物業喺手,淺水灣間屋已經過6千萬,難怪可以咁他條。

小編順手睇下資料,唔少明星住淺水灣就梗架啦,原來好幾位都姓鄭!咁巧合,開個街坊會啦不如。

鄭秀文

有睇Sammi IG都認得佢屋企幅紅磚牆同埋個廚房,呢度就係佢喺淺水灣海峰園嘅屋企,市價估計7千萬左右。Sammi手上至少有3間物業喺淺水灣,其中喺南灣花園嘅單位堪稱Sammi風水屋,因為佢早喺出道2年後,即係1990年以323萬買入,而家市值至少3千萬。而Sammi老公許志安亦喺淺水灣道冠園有單位在手,位置喺正海峰園隔離,早年有傳安仔將呢間屋俾外父外母居住﹐方便Sammi照顧家人。

【唔止鄭伊健】姓鄭藝人鍾意住淺水灣?呢位退隱天后住近億豪宅
【唔止鄭伊健】姓鄭藝人鍾意住淺水灣?呢位退隱天后住近億豪宅

鄭中基

早排喺演唱會多謝太太Sammie(余思敏)嘅「暴龍哥」,多年前已經住喺淺水灣麗景花園。2018年,Ronald爸爸、前唱片公司高層鄭東漢就以2億6千萬出售呢間獨立屋,埋單賺2億。而家Ronald住返呢區,睇Sammie po嘅家居相見到空間寬敞,最緊要係見到一家四口開開心心。

【唔止鄭伊健】姓鄭藝人鍾意住淺水灣?呢位退隱天后住近億豪宅
【唔止鄭伊健】姓鄭藝人鍾意住淺水灣?呢位退隱天后住近億豪宅

鄭裕玲

【唔止鄭伊健】姓鄭藝人鍾意住淺水灣?呢位退隱天后住近億豪宅
【唔止鄭伊健】姓鄭藝人鍾意住淺水灣?呢位退隱天后住近億豪宅

Do姐都係淺水灣名人之一,住喺區內名廈Manhattan Tower多年,當年同前度男友呂方同居都係住呢度。雖然住豪宅,但係Do姐投資物業唔多,因為97金融風暴令佢持有嘅舊山頂道物業帳面蝕4成,之後就唔再買磚頭。

彭羚

【唔止鄭伊健】姓鄭藝人鍾意住淺水灣?呢位退隱天后住近億豪宅
【唔止鄭伊健】姓鄭藝人鍾意住淺水灣?呢位退隱天后住近億豪宅

終於唔係鄭姓藝人!退隱樂壇多年嘅彭羚(Cass)同老公林海峰,住喺老牌豪宅南山別墅高層,2個人咁低調又點會請記者去屋企影家居相?但係Cass近年都喺IG分享生活片段,意外令家居環境曝光,屋入面有間房專為Cass而設,有齊佢做Gyrotonic運動嘅器材,更加有無敵海景!同屋苑類似單位上個月有成交,價位係8千萬,估唔到原來林氏伉儷咁有米。

【唔止鄭伊健】姓鄭藝人鍾意住淺水灣?呢位退隱天后住近億豪宅
【唔止鄭伊健】姓鄭藝人鍾意住淺水灣?呢位退隱天后住近億豪宅

容祖兒

祖兒2018年透過「公司買殼」嘅形式,購入淺水灣道56號嘅雙號屋,據知成交價2億,祖兒因為用呢個方式避過「樓市加辣」稅項,慳返6千萬!祖兒已經住喺呢間豪宅,從照片見到屋企有個櫃專門擺歷年樂壇獎項,相當霸氣。同一屋苑嘅名人業主仲有Juno麥浚龍,而早幾年名媛薛芷倫以近2億出售上址物業,估計賺咗1億4千萬!

【唔止鄭伊健】姓鄭藝人鍾意住淺水灣?呢位退隱天后住近億豪宅
【唔止鄭伊健】姓鄭藝人鍾意住淺水灣?呢位退隱天后住近億豪宅

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!