【四叔退休】被股民追數 四叔爆金句「旺極而衰，衰極而旺」

隨和親切的「四叔」李兆基，多年來出席記者會、業績會，時常與傳媒分享心得，亦不時拋低金句。例如2008年失準睇錯市，被股民「追數」，當時他對傳媒笑言，「旺極而衰，衰極而旺」。皆因「有時間亦都費事諗股市，得閒休息吓，去吓旅行仲好。」更加自爆收到封股民投訴信，指「之前跟佢買股票，結果輸咗好多錢，要四叔賠番畀佢。」

四叔其時笑言，「睇完封信，加上依家個市咁樣，總係令人摸不着頭腦，唔敢講股市啦。」從此以後，四叔的確相當口密，很少再評價股市，亦拒絕被冠以「股神」稱號。

四叔：富不過三代有道理

08年新鴻基地產郭氏家族出現家變，四叔被記者問及事件對恒基處理家族股權上有何啓示時，他曾笑說：「我哋簡單啲，只有兩個仔，易搞啲啦，三個麻煩啲啦。」他續說，「三兄弟有六隻耳，六耳不同謀，兩兄弟有四隻耳，四隻耳仔好好多。」

他繼而分享「富不過三代」論，指「第一代辛苦啦，開山劈石、捱世界，到第二代唔係好捱，個個享樂，第三代更慘，不過，佢哋自由㗎喇！」四叔的第二代包括兩名兒子家傑、家誠，以及三個女兒佩雯、佩玲及佩儀，均協助四叔管理家族生意。

四叔個人網頁教理財

四叔除了曾推出自傳後，亦有「電子版自傳」，說的是他的個人網頁。網頁分享很多與家人的合照、演講片段等。

值得特別一提的是，該網頁還列出四叔一些金句。講及管理財富，四叔的格言是「聚散之道」，稱「搵錢要成功，使錢要成功」。所謂「使錢成功」，指的是多做公益事業，出錢、出力、出計劃，才能達到「使錢成功」。

四叔稱青年人致富之道有4點，即「刻若耐勞，勤奮勉力」、「經濟未定，不宜早婚」、「要有第一桶金，以錢賺錢」，以及「男最怕入錯行，女最怕嫁錯郎」。