【囝囝投訴】鄺文珣深水埗開工拍劇 趁空檔為子女掃平底衫

鄺文珣近日同鮑起靜合作拍攝港台劇集《獅子山下2018》,鄺文珣日前喺深水埗後巷開工,劇情交待文珣拖着囝囝經過,佢哋參加咗平等分享行動,同行女子給執紙皮婆婆遞上超巿禮券,有街坊看不過眼,篤爆執紙皮婆婆其實扮窮,收埋兩層樓。拍攝期間,文珣同小演員有傾有講,可能因為佢本身都育有兩子一女,囝囝同小演員年紀相約,文珣同小演員玩到好投入,仲母愛泛濫,將小朋友擁入懷,又提醒小演員嘴脣太乾,出現「爆拆」情況。文珣婚後息影,呢次為興趣復出,但因為外景企得多,佢成日腳攰。

問到鄺文珣拍攝趣事,佢今日回覆《蘋果》時話:「嗰日好趕下,我哋怕時間唔夠,深水埗好多人,有人圍觀易NG,大家一齊拍好開心,會趁食飯、轉景,爭取時間去買嘢,可能演員都係媽咪級,我哋拉大隊去附近同小朋友買買底衫同買襪。」平日係全職主婦嘅文珣,今次拋低老公同三名子女開工,佢話:「囝囝成日問我拍到幾時,佢哋有微言,佢哋幫手湊妹妹有啲混亂,我唔敢想像屋企情況,但呢次經驗,對我同佢哋嚟講都好,等佢哋都學吓湊仔,畀機會佢哋學吓成長。」

鄺文珣日前過戲癮,復出拍港台劇。(攝影:陳辰)
鄺文珣日前過戲癮,復出拍港台劇。(攝影:陳辰)
鄺文珣喺深水埗開工,趁放飯去附近掃平嘢。
鄺文珣喺深水埗開工,趁放飯去附近掃平嘢。
鄺文珣(右)話呢次台前幕後合作好開心。
鄺文珣(右)話呢次台前幕後合作好開心。
鄺文珣喺戲中都有一對子女,同小演員相處,佢母愛泛濫。
鄺文珣喺戲中都有一對子女,同小演員相處,佢母愛泛濫。
劇情交待鄺文珣喺後巷遇上執紙皮婆婆。
劇情交待鄺文珣喺後巷遇上執紙皮婆婆。
鄺文珣呢次拍劇,拋低夫兒,囡囡交由囝囝同老公照顧。(資料圖片)
鄺文珣呢次拍劇,拋低夫兒,囡囡交由囝囝同老公照顧。(資料圖片)