【大唐雙龍傳】相隔14年師徒重逢 胡定欣賀翁虹入行30年
噚晚翁虹搞party,慶祝入行30年兼生日,佢一班女性好友為佢慶祝,包括寇鴻萍同佢兩個女唐貝詩、唐貝欣,仲有周美鳳等,當中仲有位似乎同翁虹唔同年齡層嘅人,佢就係胡定欣。
原來胡定欣同翁虹有師徒關係,點解呢?胡定欣喺社交網貼相之餘,仲留言解釋話︰「大家還記得《大唐雙龍傳》劇裡面,我的師傅翁虹嗎?時間過得太快了,戲在03年拍,之後見過一次到現在,我們已經大概有14年沒見!有緣的話,一定會再見,原來今年是師傅入行30年,亦都是她25歲生日,她透過楊怡找我…哈哈好像尋親,邀請我岀席今晚的慶祝晚宴!師傅,你真的真的真的天生麗質,依然美麗動人,這就是凍齡嗎?再一次祝你生日快樂,身體健康,KEEP住咁靚。」
當年套《大唐雙龍傳》,由林峯、吳卓羲、楊怡同唐寧主演,當中翁虹飾演嘅大反派祝玉妍係陰睽派掌門,對花間派掌門石之軒(曾偉權飾演)癡心一片,而佢嘅徒弟婠婠就係胡定欣飾演。當年胡定欣剛出道不久,已經喺劇入面做第三女主角,而且鍾情吳卓羲演嘅徐子陵,戲入面兩人仲發生關係。