【娛事者】子華·蕭生·港產片-郭靖言

1. 由黃子華主演、在香港票房過1億的《毒舌大狀》於3月24號在台灣上映,身在台灣的蕭若元日前看完後,於3月28號終於出片分析為何《毒舌大狀》勁收,蕭生更預測香港電影市道:「我估計呢兩、三年,港產片嘅票房會依然唔錯,但能唔能恢復番個行業,我認為係唔得嘅!唔係五、六部片就得嘅,個industry要恢復番80、90年代,起碼要拍百幾部片。其實喺香港拍片,好難唔蝕。」

蕭若元評價《毒舌大狀》。(截圖自YouTube頻道memehongkong)
蕭若元評價《毒舌大狀》。(截圖自YouTube頻道memehongkong)

2. 聽罷蕭生這番話,相信香港電影人都會舒一口氣,並求神拜佛蕭生燈力繼續保持。

3. 時間要倒流往2021年2月,其時蕭生和游學修爭論,蕭生發表了香港電影已死的言論:「香港電影工業係冇前途,呢個行業involve數以萬計嘅人,甚至唔恢復100%,30、40%,我嘅答案係機會zero,零!」

4. 當時蕭生說:「電影係群體工作,大陸拍電影,一日出發有200幾架車,係好多人好多部門做嘅嘢,少一個部門就做唔到。」蕭生更謂周星馳之後已沒有喜劇演員,沒有人能夠同周星馳比。

蕭若元與游學修討論「為何我講香港電影工業未死?與香港成年電影人的探討」。(截圖自YouTube頻道 試當真)
蕭若元與游學修討論「為何我講香港電影工業未死?與香港成年電影人的探討」。(截圖自YouTube頻道 試當真)
蕭若元與游學修討論「為何我講香港電影工業未死?與香港成年電影人的探討」。(截圖自YouTube頻道memehongkong)
蕭若元與游學修討論「為何我講香港電影工業未死?與香港成年電影人的探討」。(截圖自YouTube頻道memehongkong)

5. 兩星期後,杜琪峰在一個在港台節目回應蕭若元說:「佢話香港電影已死,我好多年前都聽過,佢都唔識電影,佢只黐住電影搵食,做電影嘅年輕人千祈唔好聽,呢句係廢話。講嗰啲人根本唔了解電影,佢自己冇得撈,以為人哋都冇得撈。」

6. 對於蕭生謂大陸拍戲有200多年架車出發,杜琪峰早在2013年的紀錄片《無涯:杜琪峰的電影世界》中,便說道:「大陸有乜唔正常,成隊crew幾百部車做乜啫, 我都唔明,香港拍電影越簡潔越好,有用喺度,冇用嘅走。」

杜琪峰於港台節目回應蕭若元指「香港電影已死」。(網上截圖)
杜琪峰於港台節目回應蕭若元指「香港電影已死」。(網上截圖)

7. 當大家爭論香港電影是否真的已死時,去年4月尾電影院重開,由7月上映的《闔家辣》開始,港片來個谷底反彈,跟着的《阿媽有咗第二個》、《明日戰記》、《飯戲攻心》、《正義迴廊》,至今年一月底上映的賀歲片《毒舌大狀》,全部都大收,《明日戰記》收8182萬,《飯戲攻心》收7734萬,《毒舌大狀》更厲害,成為首部票房過1億的華語片,而去年更是破紀錄首度一年之內有四部港片過4千萬票房。蕭生的燈力,果然非同小可。

8. 查實當《毒舌大狀》在港上畫一星期,票房火速過5千萬時,蕭生於今年1月30日已在自己YouTube頻道出片,他一開始便說:「電影係一個夢工場,香港電影近年射出咗光芒,鍥而不捨同毅力幾重要!」接着蕭生更拍起手來,並續說:「黃子華竟然成為周星馳,你估唔到喇啩,黃子華以62歲成為香港最賣座嘅明星!」尤記得蕭生在2021年2月曾出片說周星馳之後已沒有喜劇演員,沒有人能夠同周星馳比。

9. 蕭生修正自己看法,大讚黃子華。子華神和燈神蕭生,原來早有淵源。子華於2016年4月,曾上蕭生的《蕭遙遊》和他一起做節目,謂要報恩,子華說:「蕭生某程度上係我恩人!」

10. 黃子華當時在節目中自爆,原來早於99年,他已經見過蕭生,子華說:「嗰時我做緊棟篤笑,00年做《男親女愛》,有人安排我見蕭生,我特登走去灣仔,當年蕭生比咗我一個做喜劇演技嘅意見。」蕭生說:「我覺得當年子華做戲,用一個冷嘅方法去處理。相對上,係有冷嘅acting,同埋熱嘅acting。」子華謂:「佢提議我應該狂熱啲。我都好感激,我過幾個月就做《男親女愛》,後來余樂天都幾成功,所以蕭生係我嘅恩人。」

黃子華現身蕭生《蕭遙遊》節目。(截圖自YouTube頻道memehongkong)
黃子華現身蕭生《蕭遙遊》節目。(截圖自YouTube頻道memehongkong)

11. 香港電影工業何去何從,有兩個神舉足輕重:子華神和燈神,子華神在做,燈神蕭生在看。

郭靖言

做過唱片公司,做過電影公司,做過報紙雜誌,如是者,現在全職睇娛樂,正經寫娛樂。

fb.com/kwokchingspeech

instagram.com/kwokchingspeech