【屋苑故事.專題】荃灣海濱廣場變國際學校 直擊死場之首鬧鬼謠言

蘋果動新聞

政府斥巨資購「死場」作社福設施,香港死場之首荃灣海濱廣場遂成討論對象。這個面積24萬方呎、近半個旺角朗豪坊的死場丟空約6年,由謠傳鬧鬼到去年短租喪屍館,有人說恐怖,有人來尋幽探秘,但更多人懷念溜冰場、美食廣場等集體回憶。曾風光一時,今天如廢墟。雖然上有政策,但據了解,商場業主仍朝着改建國際學校之路進發。當區區議員鄒秉恬毋忘商場光輝歲月,帶《蘋果》記者記錄它的最後一面。

鄒秉恬自1991年起當選海濱區區議員至今,本身亦是屋苑住戶,「海濱廣場當時係新界區幾矚目嘅商場,因為有溜冰場、戲院、餐廳、酒樓、百貨公司(永安),好多人都喺出面入嚟消費。我仲記得8樓美食廣場久唔久請歌星彈琴唱歌,格調都幾高。」最難忘90年代初期舉辦海濱節,廣場噴水池設舞台開幕,有攤位遊戲,一家大細入戲院睇完戲就上去曲奇船長自助餐廳食一餐。其後荃灣區商場開完一個又一個,隔籬飯香的心態,商場每況愈下,「越嚟越少舖,冇得做啦,咁點搞呢?咪轉型,搞咗幾層老人院。」

商場地下及1至8樓,樓面達24萬呎,宏安(1222)在2012年以5.08億元向新世界(017)購入後,曾計劃打造中高檔名店倉。鄒秉恬說:「佢(宏安)就話想搞商場,但又冇新鴻基咁叻喎,邊做邊砌,但停工申請搞3年都搞唔掂,話唔知乜業權搞唔清,終於賣咗畀而家呢個業主(舖王鄧成波)。呢個業主以為好簡單嘅嘢,又係搞咗好耐,咁而家啱啱我哋最近先通過咗畀佢哋做國際學校,希望可以重開,唔使好似一個死城咁!」

商場丟空多年,以規模計,是本港死場之首。玻璃大門不設防,由地面沿扶手電梯拾級而上,久未運作的電梯級及齒輪,邊行邊發「咔咔」聲,一步一驚心。一樓設昔日商場租務部,鄒秉恬說,昔日商場租戶離場後轉租屋苑舖位,接着說:「近年商場已成為尋幽探秘勝地,好多人入過嚟啦!」

有關商場的鬼故在網絡流傳,由溜冰場、老人院說到美食廣場,有人說老人院佈局如逃不掉的迷宮,美食廣場有無限輪迴之感。曾是商場最後一名租客的他說:「老實講,我可能氣場大,真係未撞過鬼。」

昔日新界第一個真雪溜冰場,對很多新界人而言都有很多集體回憶,鄒記得:「嗰陣時好多細路仔嚟呢度溜冰,甚至係溜冰學校。」然而現場已成廢墟,告示牌斷裂,假天花支離破碎,場中豎立紅色雪糕桶,高處吊下一條繩,場面正如招待處玻璃窗「SAW」字眼所示,猶如《恐懼鬥室》。冰場面目全非,但早前撞見昔日冰場負責人,原來北上發展順利,現於上海經營4個溜冰場,「有危有機囉!如果唔係佢就繼續幫個咁細嘅溜冰場。」美食廣場令人懷念昔日美食,有人聲稱該處為情侶偷偷摸摸的地方,升降機已停止運作,不少人爬樓梯爬到最高層,鄒笑言:「入來做其他嘢,我就唔知啦,你知啦,有人鍾意尋刺激,越刺激越興奮個啲,我就唔知啦!」

站在商場中庭乾塘多時的噴水池,鄒秉恬欷歔地說:「我哋呢個時代無辦法敵得過商業發展,現實係自己喺度住嘅居民都無辦法支撐一個商場經營,真係一件好可惜嘅事。商場時代終結,歷史就係歷史,永遠要向前走,而家呢個場景可能是大家一齊見證最後一刻,相信唔會再有人入嚟拍攝,係好值得保留嘅影片。將來做咗學校,間隔已經唔同晒,呢個景象只能活在記憶中。」

商場現由鄧成波兒子、陞域集團主席鄧耀昇管理。集團表示,歡迎政府正視社福設施短缺問題,期待政府公佈計劃更多詳情,集團將再作詳細了解及研究。據了解,該集團仍朝着改建為國際學校之路進行前期工作,商場樓層會改建,將會預留部份樓層作非教學用途,不排除提供零售樓層,預計下半年有進一步發展。

記者:陳家雄
攝影:鄒潔珊 張飆

政府將斥巨資購入本港「死場」作社福設施,香港死場之首荃灣海濱廣場成為討論對象。
政府將斥巨資購入本港「死場」作社福設施,香港死場之首荃灣海濱廣場成為討論對象。
場內十室十空,部份舖內雜物堆積如山。
場內十室十空,部份舖內雜物堆積如山。
假天花支離破碎,入場探險隨時中頭獎。
假天花支離破碎,入場探險隨時中頭獎。

 

海濱廣場業主仍維持改建學校的計劃,當區區議員鄒秉恬帶《蘋果》記者記錄它的最後一面。
海濱廣場業主仍維持改建學校的計劃,當區區議員鄒秉恬帶《蘋果》記者記錄它的最後一面。
據了解,商場樓層或改建,扶手電梯料會改動。
據了解,商場樓層或改建,扶手電梯料會改動。
昔日噴水池是不少慶典開幕禮場地(左)。2013年由宏安接手後已十室九空,相片可見僅餘超市運作(右)。(相片由城市研究學者何尚衡提供)
昔日噴水池是不少慶典開幕禮場地(左)。2013年由宏安接手後已十室九空,相片可見僅餘超市運作(右)。(相片由城市研究學者何尚衡提供)
永安百貨荃灣新店於1990年11月9日在海濱廣場開幕。 (相片由城市研究學者何尚衡提供)
永安百貨荃灣新店於1990年11月9日在海濱廣場開幕。 (相片由城市研究學者何尚衡提供)
區議員鄒秉恬記得商場在全盛期吸引新界各區人士來消費,人頭湧湧,如今變成死場,感到欷歔。 (相片由城市研究學者何尚衡提供)
區議員鄒秉恬記得商場在全盛期吸引新界各區人士來消費,人頭湧湧,如今變成死場,感到欷歔。 (相片由城市研究學者何尚衡提供)

你可能還想看