【工程爛尾】《愛.回家》林凱恩胞兄傳拖欠薪金失聯

·1 分鐘文章
【工程爛尾】《愛.回家》林凱恩胞兄傳拖欠薪金失聯
【工程爛尾】《愛.回家》林凱恩胞兄傳拖欠薪金失聯

因拍無綫處境劇《愛.回家》上位嘅林凱恩,繼之前流出艷照後又惹是非,不過今次係佢室內設計師哥哥林祥晉惹麻煩。尋晚喺社交網討論區上,有人發出尋人啟事,指名道姓搵林凱恩哥哥、設計公司老闆及裝修判頭嘅林祥晉,話林祥晉本來搞緊北角同沙田兩個私人屋苑嘅裝修工程,但自本月19日之後,佢就突然消失,並指該2個單位嘅業主已報警。有指林祥晉亦拖欠裝修工人薪金,有網民話日前曾經出過尋人啟事,而出貼文唔夠1粒鐘,林祥晉有聯絡對方要求刪貼文,但之後又再度失聯無影。

林凱恩:我都未聯絡到佢

對於哥哥失聯一事,林凱恩接受東網訪問話:「暫時依家呢一刻,我都未直接聯絡到佢了解發生咩事,而哥哥結咗婚搬出去住之後,其實都係大時大節先見,另外,同哥哥從來都冇干涉對方做嘅嘢。如果真係有件咁嘅事 大家都係成年人 要負責番自己做嘅事,而我能夠做嘅就只係專心工作,好好照顧自己同媽咪!」

網民指名道姓係林凱恩哥哥。
網民指名道姓係林凱恩哥哥。
林祥晉(右)同林凱恩感情要好!
林祥晉(右)同林凱恩感情要好!
林祥晉
林祥晉