【強國設計師】惡搞Chanel、Gucci用大媽model 鄧達智：抄得太過份

2019秋冬系列中國國際時裝周，自周一（25日）起在北京進行得如火如荼。其中，時裝設計師胡社光的「時尚娘子軍」系列，因被指惡搞國際一線時尚品牌CHANEL、GUCCI、D&G（Dolce & Gabbana），引來網民噓聲，大呼：「好恐怖！」香港著名時裝設計師鄧達智則直言，胡社光這個系列從概念到選用模特兒，都有抄襲之嫌！

胡社光的「時尚娘子軍」系列的設計原意，是想透過「娘子軍」，向世界宣示「中國女人是很強大的」！平均年齡達55歲的模特兒，穿起墨綠色西裝，加上羽毛飾高帽，腳踩軍靴，頭飾更是奪目，CHANEL、GUCCI、D&G等品牌名稱以籐編、串珠刺繡等方法，突兀地架在模特兒的頭上。不過，服裝跟頭飾格格不入，設計讓人摸不着頭緒。內地網民、時尚博客表示「又到這時候了」、「有人看得懂嗎」、「這啥啊」、「唉」、「這誰敢穿」。

《蘋果》找來香港著名時裝設計師鄧達智評鑑「時尚娘子軍」，他直言，用「紅色娘子軍」作設計理念不是壞。他看過幾套設計後說：「我覺得可以營造一個高度成功嘅系列，但我覺得佢冇貫徹個idea，佢有一套我欣賞嘅」，鄧指的是一套綠色軍裝作背心，有束腰設計，再加浮誇Ruffle手袖的衣服。「如果喺個設計貫徹個脈絡，係會有一個令人驚喜嘅系列，軍裝可以玩落去玩到好大！」顯然，「紅色娘子軍」的設計師沒有做到。

在幾套綠色軍裝設計出場後，「佢（胡社光）就『嘭』一聲去番啲晚裝，甩唔到嗰啲味道喇，又返番去啲大陸人鍾意睇嗰啲晚裝。」鄧達智說。

不過，原來胡社光這個系列，連繫到DIOR前設計師John Galliano十多年前的一系列設計。「John Galliano喺DIOR嗰陣，混合咗好多日本動畫誇張繪圖、art direction喺系列度，當時非常成功，帶咗樣好混亂嘅風氣來，而嗰種混亂當時係好多人受唔住嘅，但近年來好多年輕人發現咗嗰種唔平衡嘅美感。佢呢個系列可以話係對John Galliano致敬緊，但係就有啲娘囉！」為甚麼呢？鄧達智解釋：「將好多元素mix埋一齊，又冇帶出個新嘅方向，超越唔到John Galliano十幾年前不平衡嘅美感！」

至於用CHANEL、GUCCI、D&G等品牌名稱造成的頭飾呢？鄧達智就認為：「有啲眼高手低。呢方面嚟講，佢有好嘅理念，但貫徹唔到落去，又借用咗其他牌子嘅名，其實就個譁眾取寵嘅手法。」鄧還指，胡社光這樣做，有侵權之嫌，人家的品牌已在全世界註冊了，對方不滿意的話，胡隨時會被告！「若果喺件衫度令人感覺係CHANEL、GUCCI就會高明一啲。」

至於用55歲以上的模特兒，又有新意嗎？鄧達智聽罷即說：「呢個抄得太過份了！」他指出，年初完結的美國紐約時裝周，Marc Jacobs邀請了元老級超模、今年50歲的Christy Turlington來為他走騷。「呢樣對時裝界的影響就好似原子彈咁」，此後舉行的倫敦、巴黎、米蘭時裝周，都請了很多元老級超模「出山」。

鄧達智補充：「我十幾年前用余慕蓮，嗰時就從來冇人用過！如果我係佢，我就會掉轉頭，用15歲以下嘅model嚟做喇。」

《蘋果》記者